ତୁମେ ଚାଲିଗଲା ପରେ

ତୁମେ ଚାଲିଗଲା ପରେ ପରେ ପ୍ରିୟ

ଜଳେ ମୁହିଁ ଅହରହ,

ଏତେ ପ୍ରେମ ପରେ ସହି ମୁଁ ପାରୁନି

ଆମର ଏହି ବିରହ ।

ଚାଲିଯିବା ଆଗୁ ଦେଇଗଲ ଦୋଷ

କାହିଁକି ଏମିତି କଲ,

ସତ୍ୟତା କୁ ବ୍ୟକ୍ତ କରି ମୁଁ ପାରୁନି

କୋଉଠି ରହିଲା ଭୁଲ୍ ।

ପ୍ରେମ ଥିଲା ଆମ ଅତି ନିବିଡତା

ପଡ଼ିଛି ସେଥିରେ ଭଟ୍ଟା,

କେମିତି ସହିବି ଏତେ ଦୁଃଖ ପ୍ରିୟ

ଲୋକେ କରୁଛନ୍ତି ଥଟ୍ଟା ।

ଦେଖିଯାଅ ଥରେ କେମିତି ଜଳୁଛି

ବିରହ ଜ୍ୱାଳାରେ ମୁହିଁ,

ସତ୍ୟ ଯଦି ଆମ ପ୍ରେମ ହୋଇଥିବ

ଫେରିବ ରହିଛି ଚାହିଁ ।