ଲାଇବ୍ରେରୀ
ପ୍ରୋଫାଇଲ୍
ତୁମେ ଅମୃତ
ତୁମେ ଅମୃତ
1 min
201
କୋଟି ବ୍ରହ୍ମାଣ୍ଡର ନାଥ ହେ
ପଦ୍ମ ଡୋଳା ପଦ୍ମ ନେତ୍ର ।
ଏ ବିଶ୍ୱ ବ୍ରହ୍ମାଣ୍ଡ ସଜାଇ ଦେଇଛ ରୁଚିରେ
ସଚରାଚର ତୁମର ପରିଚାର
ରଞ୍ଜାଇ ଦେଇଛ ମହୀରେ
ତୋ ପରି ସାମନ୍ତ ନାହିଁ କାହିଁ ତୁମେ
ଅମୃତ ଚିର ଶାଶ୍ଵତ
ହେ ବିଚିତ୍ର ବିଶ୍ଵ କର୍ମା କୋଟି ବ୍ରହ୍ମାଣ୍ଡର ନାଥ ହେ ।
ଉଦ୍ଭାସିତ ମହୀ ଅଦ୍ୱିତୀୟ ଦ୍ଵୀତ୍ତି ଚିତ୍ରରେ
ଚିତ୍ରିତ କରିଲ ବିଶ୍ଵ ଚିନ୍ତାମଣି
ସୁଧାମୟ ମଧୁରତାରେ
ସେ ମଧୁ ପରଶେ ଆହା କି ସରସେ
ମଧୁମୟ କଲ ଜଗତ
ହେ ବିଚିତ୍ର କର୍ମା କୋଟି ବ୍ରହ୍ମାଣ୍ଡର ନାଥ ହେ ।
ଉଲ୍ଲସିତ ଧରା, ଗଗନ, ପବନ ଚଞ୍ଚଳେ
ଚଳମାନ ବିନ୍ଦୁ ଠାରୁ ସିଦ୍ଧୁ, ବନ
କିଟ, ପତଙ୍ଗାଦି ସକଳେ
ଦେହଧରି ଭ୍ରମେ ତୁମରି ଉତ୍ସରେ
ହୋଇ ପରା ଉତ୍ସାହିତ
ହେ ବିଚିତ୍ର କର୍ମା କୋଟି ବ୍ରହ୍ମାଣ୍ଡର ନାଥ ହେ ।
ମହାବାହୁ ବାହୁ ପ୍ରସାରି ଦେଇଛ ସଂସାରେ
ସେହି ମହାବାହୁ ଉହାଡେ ଆଶ୍ରୟ
ଦିଅ ଡାକେ ବସି ଅଦୂରେ
ଆଶ୍ରୟ ଦିଅ ହେ ଆରତୀ ପ୍ରଫୁଲ୍ଲ
ଶୁଣି ଘେନି ଦୀନ ଆରତ
ହେ ବିଚିତ୍ରକର୍ମା କୋଟି ବ୍ରହ୍ମାଣ୍ଡର ନାଥ ହେ ।।
