ତୁମବିନା ଜୀବନ ଅଧୁରା

କହିଲନି କିଛି ଏକା ଏକା ସଖୀ

କେମିତି ବା ଗଲ ଚାଲି

କେମିତି ଭାବିଲ ତୁମ ବିନା ଏଠି

ବଞ୍ଚି ମୁଁ ପାରିବି ବୋଲି I

କଥାଥିଲା ପରା ଏକାଠି ଚାଲିବା

ହାତ ଧରା ଧରି ହୋଇ

ଏତେ ଶିଘ୍ର ତୁମେ ଏଇ କଥାକୁ ଲୋ

କେମିତି ଭୁଲିଲ ସହୀ I

ଭାବି ପାରୁନି ମୁଁ ଏକାକୀ ଜୀବନ

ଯେଉଁଠାରେ ତୁମେ ନାହଁ

ପ୍ରତି ମୂହୂର୍ତ୍ତରେ ଆଖିରେ ନାଚୁଛି

ତୁମରି ନିରିହ ମୁହଁ I

ତୁମ ବିନା ସଖୀ ଏ ସାରା ସଂସାର

ଲାଗେ ମୋତେ ବିଷ ପରି

ତୁମକଥା ଭାବି ଆଖି ମୋ ଢାଳୁଛି

ଅସରା ଅସରା ବାରି I

ତୁମେ ତ ଜାଣିଛ ତୁମେ ମୋ ଜୀବନ

ତୁମେ ମୋ ମନର ବଳ

ତୁମେ ଚାଲିଗଲ ସରିଗଲା ସବୁ

ଆଖି ହେଲା ଛଳ ଛଳ I

ତୁମ ନାମେ ସଖୀ ଛାଡିବି ଦୁନିଆ

ତୁମ ପାଶେ ଯିବି ଚାଲି

ସେଇଠି ଆମେ ଲୋ ଖୁସି ମନେଇବା

ପ୍ରେମର ପ୍ରଦୀପ ଜାଳି I