ରଙ୍ଗ

ମହକୁଛି ଗୋଲାପ

ରୂପରେ କି ଗୁଣରେ 

ନାଗେଶ୍ୱର ,ଚମ୍ପା, ରଜନୀଗନ୍ଧାରେ

ବାସିଉଠୁଛି ବଜାର

ଓଠ ଦିଓଟି ବିମ୍ବ ଫଳ

ମଲ୍ଲୀ କଢି ପରି ଦାନ୍ତ

ଚାପି ଧରିଛି ଜିଭକୁ

ସମ୍ଭୋଗ ଠାଣିରେ

ଇସାରା ଦେଉଛି 

ଦେହର ଦାହକୁ ନିର୍ବାପିତ ପାଇଁ

ଉପଯୁକ୍ତ ପୁରୁଷ ।

ଏ ରଙ୍ଗର ମହକରେ

କଂକ୍ରିଟ ଇଲେକ୍ଟ୍ରି ଖୁଣ୍ଟକୁ

ଝୁଙ୍କି ପଡିଛି ଦେବଦାରୁ

କଅଁଳ ନିମ ପତ୍ରକୁ

ତୋଳିନେଉଛି ବୈଦ୍ୟନାଥ

ଆମ୍ବ ଡାଳରେ କୋଇଲି ତାନ

ପ୍ରେମ ହିଁ ସଙ୍ଗୀତର ଇଙ୍ଗିତ

ରଙ୍ଗରେ ଆକାଶ ପାଶେ

ଧରିତ୍ରୀ ପ୍ରେମରେ ବସନ୍ତ ରାସ ।।