ତୁମ ସ୍ମୃତି

ଶୀତୁଆ ସଞ୍ଜରେ

ଗେଣ୍ଡୁ ଫୁଲ ଦେଖିଲେ

ମନେପଡେ ତୁମ ଫଟାଫଟା ପାପୁଲି

ଆଉ ମିଠା ମିଠା କଥା ।

ବାଟବଣା ଆମ ପ୍ରେମ

ମିଛ ବଦନାମ

ଅନିଦ୍ରା କେତେ ରାତି

ଶବ୍ଦ ଯୋଡ଼ା କାମ ।

ତୁମ ସୁମଧୁର ଗୀତ

ଆଉ ମୋ ଅଭିମତ

ଗୋଲାପର ଛବି

ଭିଭା ଭିଡ଼ିଓ ସଙ୍ଗୀତ ।

କେତେ ରାଗ ଅଭିମାନ

କେତେ ମିଛ ପ୍ରତିଶ୍ରୁତି

ଅଦେଖା ଦହନ

ଆଉ ଅଛୁଆଁ ସେ ପ୍ରୀତି ।

ମୋତେ ପାଇବାର ଆଶା

ମୋତେ ଦବାର ଭରଷା

ସେଇ ଶୀତୁଆ ସକାଳ

ମଗୁସୁର ମାଣବସା ।

ଛଳନାର ଛବି

ଆଉ ଛଟପଟ ମନ

ତୁମ ରସେ ଛଦ୍ମ ରୂପ

ଛିଡିବା ବନ୍ଧନ ।

ତୁମ ସେ ତ୍ରିଭଙ୍ଗୀ ଠାଣି

ପ୍ରେମର କାହାଣୀ

ପାନ୍ଥଶାଳା ମନ ଆଉ

କଟାକ୍ଷ ଚାହାଣି ।

ତୁମ ହାତ କଳାକୃତି

ଉପହାର ଉପାସନା

ଜୀବନର ବଡ ଦୁଃଖ

ତୁମ ଛୋଟ ପ୍ରତାରଣା ।

ସିଦ୍ଧେଶ୍ବର ତ୍ରିପାଠୀ

କୁଣ୍ଡିଲୋ କେରଙ୍ଗ ଖୋର୍ଦ୍ଧା

7008315040