ଅବଲୁପ୍ତ ପ୍ରେମର ଫସଲ

ଅବଲୁପ୍ତ ପ୍ରେମର ଫସଲ

ମୁଁ ଏମିତି ଉଜୁଡା ଫସଲ

ତୁମେ ଏକ ଅଦିନିଆ ବଢି

ମୋ ଅସ୍ତିତ୍ବ ଆଜି ଲୁପ୍ତପ୍ରାୟ

କୋହ ଭରା ପଟୁମାଟି ଚଢି ।

ଅତୀତରେ ଆସିଥିଲ ତୁମେ

ଟପଟପ ବରଷା ଟୋପାରେ

ଶାଖା ମେଲି ଝୁମି ଉଠିଥିଲି

ଧୀରେ ଧୀରେ ତୁମ ପରଷରେ ।

ବାରବାର ତୁମରି ପରଷେ

ଫୁଟିଥିଲା ପ୍ରେମ ଫୁଲକଢ଼ି

ମୁଁ ଏମିତି ଉଜୁଡା ଫସଲ

ତୁମେ ଏକ ଅଦିନିଆ ବଢି ।

ଅମୃତର ସୁଆଦ ଚଖାଇ

ଶେଷେ ମୋତେ ଦେଇଗଲ ବିଷ

ଫଳ ବିନା ଗଛ ମଉଳିଲା

ରହିଗଲା ଗୋଟେ ଅବଶୋଷ ।

ମାରିଦେଲ ଏମନ ଚାଷୀକୁ

ସାରାବର୍ଷ ଦେଲଗୋ ଉଜାଡ଼ି

ମୁଁ ଏମିତି ଉଜୁଡା ଫସଲ

ତୁମେ ଏକ ଅଦିନିଆ ବଢି ।

ସିଦ୍ଧେଶ୍ବର ତ୍ରିପାଠୀ

8018646704