ତୁମ ସାଥେ ଯିବା ପାଇଁ ମୁଁ ଖାଲି ଏଠି ଅଛି ଜିଇଁ

ଗଲ କି ତୁମେ ମୋତେ ଶିଖାଇ

ଜୀବନରେ ଚାଲିବାକୁ ଏକା ଏକା

ଦେହରେ ଧଳା ବସନ ପିନ୍ଧାଇ

କାଢି ନେଲ ମୋ ସିନ୍ଦୂର ଶଙ୍ଖା ।୧।

ନେଇଗଲ ସବୁକିଛି ମୋ ଦେହରୁ

ତୁମ ଚାଲିଯିବା ପଥେ

କାଳେ କେବେ ଦେଖା ହେବ ମୋର

କହି ଗଲନି ତ ! ମୋତେ ।୨।

ତୁମ ସାଥେ ମୋର ସବୁ ଦୁଃଖ ସୁଖ

ଜଡିଥିଲା ଏହି ସଂସାରର

କେମିତି ମୁଁ ଏବେ ବଞ୍ଚିବି କୁହ

ହେବି କି ! ନାରଖାର ।୩।

ଏହି ବୟସରେ ଅବା କିଏ

ମୋତେ ସାହାରା ବା ଦେବ

ଦିନ ରାତି ମୋର ସୁଖ ଦୁଃଖ

କିଏ ବା ବୁଝିବ ।୪।

ଆସ ତୁମେ ଧନ ମୋର

ତୁମ ବାହୁକୁ ମେଲାଇ

ତୁମ ସାଥେ ଯିବା ପାଇଁ

ମୁଁ ଖାଲି ଏଠି ଅଛି ଜିଇଁ ।୫।