ତୁମ ପାଇଁ -୮

ଆଜି ବି ମୋତେ ଚିହ୍ନି ପାରିଲନି

ଏତିକି ମୋର ଦୁଃଖ

ମୋ କଥାର ଅର୍ଥକୁ ଅନର୍ଥ

କରି କି ଲାଭ ପାଉଛ ଯେ

ମୋ ଆଡେ ଥରେ ତ ଦେଖ

ମୋ ଭଲ ପାଇବା ବୁଝ

ମୋ ପବିତ୍ରତାକୁ ପରଖ

ମୋତେ ଭୂଲ ବୁଝନା କିନ୍ତୁ

ମୋ ହୃଦୟ ଚିରି ହେଇ ଯାଉଛି ।

ମୋତେ କଥା ଦେଇଥିଲ

ମୋ ହାତ ଧରି ନେବ

ମୋ ମଥାରେ ସିନ୍ଦୁର ଦେବ

ମୋ ହାତକୁ ଦୁଇପଟ ଶଙ୍ଖା

ମୋ ପାଦରେ ପାଉଁଜି ଆଉ

ବେକରେ ମଙ୍ଗଳସୂତ୍ର ।

ମୁଁ ତୁମଠାରୁ ଏ ସବୁ ଚାହେଁ

ମୋତେ ଭୂଲ ବୁଝିବନି

ମୁଁ ଯାହା ବି କହିଛି ତୁମ ଭଲ ପାଇଁ

ଯାହା ବି କରୁଛି ତୁମ ଭଲ ପାଇଁ

ଥରେ ମୋତେ ଚିହ୍ନିବାକୁ ଚେଷ୍ଟା କର

ମୋ ପ୍ରେମକୁ ଧୂଳି କର ନାହିଁ

ମୋ ହାତ ଛାଡ ନାହିଁ

ଏତିକି ହିଁ ମୁଁ ତୁମ ଠାରୁ ଚାହେଁ

ଏ ଆଶା ମୋର ମାରିଦିଅନି

ମୋତେ ତୁମେ ଭୂଲ ବୁଝନି ।