ତୁମ ନୀରବତା

ତୁମ ନିରବତା ଦେଲା ମତେ ଚିନ୍ତା ଲେଖିଲି ତେଣୁ ଏ ଚିଠି

ପାଟି ନ ଖୋଲିଲେ କେମିତି ଜାଣିବି ଭୁଲ ରହିଲା କେଉଁଠି ।

ପଦେ କହମତେ ମୋ ରାଣ ରହିଲା ଡେଉଁଛି ଡାହାଣ ଆଖି

ତୁମ ବିନା ମୋର ନାହିଁ ଏ ସଂସାରେ ମୁଁ ହେବି ନିରିମାଖି ।

ଯାହାପାଇଁ ମୁହିଁ କରିଲି ଗରବ ସେ ଯଦି ସାଜିବ ବଇରୀ ।

କାହା ମୁଖ ଚାହିଁ ଚଳିବିତ ମୁହିଁ କରୁଛି ମୁହିଁ ଗୁହାରୀ

ଜୀବନଟା ମୋର କଲବଲ ହେଲା ତୁମେ ତ ହେଲ ଅଝଟ

କିପରି ଭାଙ୍ଗିବି ତୁମ ନିରବତା ଦେଖାଇ ଦିଅହେ ବାଟ ।

ଭାରି ବାଧିଲାଣି ମୋତେ ହେତ ସଖା ଏତିକି ମିନତି ମୋର

ପଦୁଟିଏ କହ ଯାଉ ମୋର କୋହ ବାରେ ମତେ କ୍ଷମା କର ।

- ୦ –