ତୁମ ନାମ ଧରି
ତୁମ ନାମ ଧରି
ତୁମ ନାମ ଧରି
ମୋ ଦିନ ଯାଉ ସରି
ହେ ନୀଳ କନ୍ଦରିଆ
ହେ ନୀଳାଦ୍ରି ବିହାରୀ ।
ତୁମ ନାମ ଧରି
ପ୍ରଭୁ ସବୁ ଦୁଃଖ ଶୋକ
ଦେବି ମୁଁ ପାଶୋରି
ଆହେ ନୀଳାଦ୍ରି ନାଥ
ନୀଳାଦ୍ରି ବିହାରୀ ।
ତୁମେ ଅନାଥ ର ନାଥ
ଜଗତ ସାଆନ୍ତ
ତୁମ ବିନା କୁହ କେ
ଏ ଭବୁ ହେବ ପାରି
ତୁମ ନାମ ଧାମ ସହ
କିଏ ହେବ ସରି
ସେ ପାଇଁ ପ୍ରଭୁ ହେ
ଯାଉ ମୋ ଜୀବନ
ତୁମ ନାମ ଧରି ।
ହେ ବିଶ୍ଵ ନିୟନ୍ତା
ହେ ବିଶ୍ଵ କରତା
ତୁମେ ମହା ବାହୁ
ହେ ବିଶ୍ଵ ବିଜେତା
ଭକତ ପାଇଁ ତୁମେ
ପ୍ରଭୁ ଦିଅ ସବୁ ସାରି
ତୁମ ଚକାନୟନ ରେ
ଦେଖେ ଏ ସଂସାର
ତୁମ କରୁଣାରୁ
ହେଲି ମୁଁ ସଂସାରୀ
ତୁମ ନାମ ଧରି ପ୍ରଭୁ
ମୋ'ର ଦିନ ଯାଉ ସରି
ହେ ଜଗତ କର୍ତ୍ତା
ହେ ମାଧବ ହେ ଶ୍ରୀହରି
ଏ ପାପ ପଙ୍କର ସଂସାରୁ
ପ୍ରଭୁ ହେ ଦିଅ ଦିଅ ଉଦ୍ଧରି
ସକଳ ଦୁଃଖ ଶୋକ
ନିଅ ପ୍ରଭୁ ହରି
ତୁମ ନାମ ଧରି
ଦିନ ମୋ ଯାଉ ସରି
ହେ ନୀଳ କନ୍ଦରିଆ
ହେ ନୀଳାଦ୍ରି ବିହାରୀ ।