ତୁମ ବିନା

ଶର୍ମିଷ୍ଠା ମହାନ୍ତି

କୁହ ତ ତୁମେ

ମୋ ମନ ହଂସୀକୁ

କେମିତି ବୁଝାଇବି ମୁହିଁ

ତୁମ ବିନା

ଦିନିଆରେ କିଛି ଜାଣେ ନାହିଁ ।

ମୋ ମନ କପୋତୀ

ଆଜି ଝୁରିଝୁରି ମରେ

ମନେପଡ଼େ ଆଜି ଭାରି

ତୁମ ପ୍ରୀତି ଅନୁରାଗ

ତୁମେ କୁହ !

କିପରି କାଟୁଛ ତୁମେ

ମୋ ବିନା ଜୀବନ !

ତୁମ ବିନା

ନିର୍ମଳ ଆକାଶର

ଝିଲିମିଲି ତାରାଫୁଲ

ଜହ୍ନର ଶୀତଳ ପରଶ

ଆଜି ଛୁଏଁ ନାହିଁ ମନ

ଗୋଲାପ ଫୁଲଟି ଆଜି

ଦୁଃଖେ ଗଲାଣି ଝାଉଁଳି

ମନ ବୀଣା ଏଠି

ହୁତାଶନେ ଜଳେ ।

ତୁମ ବିନା

ଭଲପାଇବାର

ମାନେ କିଛି ନାହିଁ

ଚାଲିଆସ ସାଥୀ ମୋର

ଏ ବିଜନ ବେଳାରେ

ତୁମେ ଆସିଲେ

ଗୁଞ୍ଜରିତ ହେବ ପୁଣି

ପ୍ରେମ ସମ୍ଭାଷଣ

ଖୁସିର ଫଲଗୁରେ ।।