ତୁଳସୀ

ତୁଳସୀ ତୁଳସୀ ମହମହ ବାସେ

ବାସୁଥାଏ ନିରନ୍ତର

ଜୟ ଜଗନ୍ନାଥ ଜୟ ଜଗନ୍ନାଥ

ମନ କହୁଥାଏ ମୋର

ତୁମପୂଜା ପାଇଁ କିଛି ତୁଳସୀ ମୁଁ

ସାଥିରେ ଆସିଛି ନେଇ 

ହେଲେ କେଉଁ ଫୁଲରେ

ତୁମରି ସରଧା ସେକଥା ମୁଁ ଜାଣେନାହିଁ

ବୋଉମୋତେ କହେ ତୁମରି ସରଧା

ତୁଳସୀ ଦୟଣା ପାଇଁ

କି ପୁଣ୍ୟ ପ୍ରଭୁ କରିଛି ତୁଳସୀ

କେତେ ଭାଗ୍ୟ ଅଟେ ତାର

ତାପତ୍ର ରହେ ମଥାରେ ତୁମର

ଗଳାରେ ଲମ୍ବିଛି ତୁଳସୀର ମାଳ

ତୁଳସୀତୁଳସୀ ଶ୍ରୀମନ୍ଦିର ବସେ

ତୁଳସୀ ମହକରେ ମହକୁଛି ବଡଦାଣ୍ଡ

ମହକେ ତୋ ଆନନ୍ଦ ବଜାର

ବଡପଣ୍ଡା ହାତେ ରହିଛିରେ ଜାଗା

ତୋହରି ଛଡା ତୁଳସୀ

ତୁଳସୀ ରେ ପରା ପୂଜାହୁଏ ତୋର

ତୁଳସୀରେ ତୁ ହେଉଛୁ ଖୁସି

କୈବଲ୍ୟ କଣିକା ଅଭଡ଼ା ଆମ୍ବୃତ

ଧନ୍ୟ ତୋ ଡ଼ଙ୍କ ତୋରାଣୀ

ବେସର, ମହୁର, ଘାଣ୍ଟତରକାରୀ,

ମୁଗଡାଲି ସାଗଭଜା, କ୍ଷୀରି, ଛେନା,

ଖାଇ ଆନନ୍ଦେ ହସୁଛି ଦେଖ

ମୋ କାଳିଆ ରାଜା

ଯାହା ଭୋଗତୋର ସବୁରେ

ତୁଳସୀପତ୍ରର କେତେ ମହାନତା ଅଛି

ତୋ ପ୍ରସାଦ ଖାଇ ଧନ୍ୟ ହେଉଆମେ

ଆହେ ନୀଳଗିରୀ ବାସି

କେଡେ ଭାଗ୍ୟ ସତେ ତୁଳସୀ ପତରେ

ମହାପ୍ରଭୁ ସରଧା ତୁମର

ତୁମରି ଦୟାରେ ସବୁଠି ଆଦର

ହୋଇଛି ହେ ପ୍ରଭୁ କଳି ଯୁଗେ ଅମୃତ

ଧନ୍ୟ ସେ ତୁଳସୀ ପତର ।