ମହାପ୍ରଭୁ

    

ଅଗତିର ନାଥ ଆହେ ଜଗନ୍ନାଥ

  କୃପାକର ଥରେ ମୋତେ

ତୁମେ ଦୟା କଲେ କୋଟି ଜନ୍ମର

   ପାପ ଦୂର ହୋଇଯିବ ପ୍ରଭୁ ସତେ

ଆହେ ମାୟାଧର ମୋ କଳା ଠାକୁର 

   ତୁମଭଳି ନୁହେଁ କେହି

ସବୁରଚି ତୁମେ ମଉନେ ରହିଛ

  ଆହେ ପ୍ରଭୁ ଭାବଗ୍ରାହୀ

ସବୁଏଠି ମିଛ ସବୁରି ମନରେ

 ଲୋଭ ମାୟା ଘର କରିଛି

ନିଜେକରି ଦୋଷ କାହିଁକି ମଣିଷ

  ସାଧୁର ପୋଷାକ ପିନ୍ଧିଛି

ଧର୍ମକୁ କରିଛି ନିଜର ବେପାର

 ଅଧର୍ମ ବାଟରେ ଥାଇ

ପାହିବ ଏ ରାତି ଆସିବ ସକାଳ

  ଏକଥା ସେ ଜାଣେ ନାହିଁ

ଜୀବନ ଯେ କେତେ ସତ କି

 କେତେ ମିଛ ତୁମେ ଦିଅ ବତାଇ ।।