ରାକ୍ଷୀ ପୂର୍ଣ୍ଣିମା
ରାକ୍ଷୀ ପୂର୍ଣ୍ଣିମା
ରାକ୍ଷୀ ଭଲପାଇବାର ପ୍ରତୀକ ଟିଏ
ଭଉଣୀ ଭାଇ ହାତେ ବାନ୍ଧିବା ପାଇଁ
ବରଷକ ଯାଏ ଚାହିଁଥାଏ
ରାଗ ଅଭିମାନ ସବୁ ଭୁଲିଯାଇ
ଭାଇ ପାଇଁ ବାଟ ଚାହିଁ ବସେ
କେବେ ଆସିବ ଏହି ଶୁଭଦିନ
ଅଝଟିଆ ଭାଇ ହାତରେ
ବିଶ୍ୱାସର ଏହି ବନ୍ଧନକୁ ବାନ୍ଧି
ନିଜର ସମସ୍ତ ଦାୟିତ୍ୱ ଭଉଣୀ
ଭାଇ ହାତେ ଦେଇଦିଏ
ବିଧାତାର ଏହି ସୁନ୍ଦର ବିଚାର
କିଏ ବା ବୁଝି ପାରିଛି
ଆଜି ନାହିଁ ଆଉ ସେହି ପିଲାଦିନ
ନାହିଁ ଗହ୍ମା ଡିଆଁ ବିଧି
କେଉଁଠି ଯେମିତି ଲୁଚିଯାଇଛି
ସେ ସବୁ ଅନେକ ସୁନ୍ଦର କଥା
ନୂଆ ବୋହୂଟିଏ ବାଟ ଚାହିଁ ବସେ
ଆସିବ ଭାଇ ମୋହର
କେମିତି ପଚାରି ବୁଝିବି ବାପଘର
ଛୋଟରୁ ବଡ଼ ସଭିଙ୍କ ଖବର
ଶ୍ରାବଣ ମାସରେ ଗହ୍ମାପର୍ଣିମାରେ
ବଳଦେବଙ୍କ ଜନମ ହୁଏ
କେତେ ବରଷର ଏ ଶୁଭଦିନକୁ
କିଏ ବା ସେ ଭୁଲି ଥାଏ
ଆମେ ତ ଓଡ଼ିଆ ବାର ମାସେ ଆମ
ତେର ପରବ ସଭିଏଁ ଜାଣିଛନ୍ତି
ବଡ଼ ଦେଉଳରେ ଜଗା, ବଳିଆଙ୍କ
ହାତରେ ଦେବୀ ସୁଭଦ୍ରା
ଶ୍ରଦ୍ଧାରେ ରାକ୍ଷୀ ବାନ୍ଧନ୍ତି
ଦେଉଳ ଲାଗିଛି କେତେ ଆଡ଼ମ୍ବର
ଜଗା, ବଳିଆଙ୍କ ପାଇଁ
ରାକ୍ଷୀର ମାନ ବୁଝିପାରେ ସିଏ
ଅତି ମଧୁର, ସୁନ୍ଦର, ବିଶ୍ୱାସର ପ୍ରତୀକଟିଏ
ଚାହିଁଲେ ବି କେ ଭୁଲିପାରେ ନାହିଁ
ରେଶମୀ ଡୋରରେ ବିଶ୍ୱର
ସବୁଠୁ ଦାମିକା ଉପହାର
ଭଉଣୀ, ଭାଇ ହାତରେ ବାନ୍ଧିଥାଏ ।