ତୁଳସୀ ରସିଆ
ତୁଳସୀ ରସିଆ
ତୁଳସୀ ରସିଆ ମୋ ଜଗା କାଳିଆ
ତୁଳସୀରେ ସଦା ମନ
ତୁଳସୀର ବାସ ବାସେ ଚଉପାଶ
ତା ସାଥେ ଘୋରା ଚନ୍ଦନ
ପ୍ରଭୁ, କିଣି ନିଅ ମନ ପ୍ରାଣ ।
ତୁଳସୀ ଦୟଣା ଶ୍ରୀ ଭୁଜେ ଝୁଲଣା
ଶିରେ ତୁଳସୀ ମୁକୁଟ
ପାଦରେ ତୁଳସୀ ସର୍ବାଙ୍ଗେ ତୁଳସୀ
ଦେଖି ମାଲକ୍ଷ୍ମୀ ଉଚ୍ଚାଟ
ମାଆ କମଳିନୀ ଭାରି ଅଭିମାନି
ଭାଳି ଭାଳି ଯାଏ ଦିନ ।
ଡରୁଛନ୍ତି ମାଆ ଆହେ ଚଉବାହା
କାଳେ ତୁମେ ହେବ କା'ର
ସେଥିପାଇଁ ଡରେ ମାଆଙ୍କ ନାମରେ
ଲେଖିଦେଲ ଶ୍ରୀମନ୍ଦିର
ଲକ୍ଷ୍ମୀ ଗଳାହାରେ ତୁଳସୀ ପୟରେ
ଶିରେ ପିନ୍ଧି ତୋଷ ମନ ।