ତୁହି ମାଆ ବ୍ରହ୍ମଚାରିଣୀ
ତୁହି ମାଆ ବ୍ରହ୍ମଚାରିଣୀ
ନବରାତ୍ର ପୂଜା ଦ୍ଵିତୀୟ ଦିବସେ
ତୁହି ମାଆ ବ୍ରହ୍ମଚାରିଣୀ
ଅମା ଅନ୍ଧକାର ଦୂରୀଭୂତ କରୁ
ଜୟ ମା ବିଶ୍ଵକଲ୍ୟାଣୀ
ତୁହି ମାଆ ବ୍ରହ୍ମଚାରିଣୀ ।
ମାଆ ମାଆ ବୋଲି ବିକଳରେ ତୋତେ
ଡାକନ୍ତି ତୋ ଝିଅ ପୁଅ,
ତୁ ଆଶା ଭରସା ବୋଲି ତ ବିଶ୍ବାସେ
ଛୁଟେ ମା ଭକତି ସୁଅ,
ଆଦରି ନେ ମାଆ ଦୂରେଇ ଦେ ଦୁଃଖ
ମାଆଲୋ ଜଗଜ୍ଜନନୀ
ତୁହି ମା ବ୍ରହ୍ମଚାରିଣୀ ।
ସଭିଙ୍କ ଅନ୍ତରେ ସଦା ପାଉ ପୂଜା
ପୁଣି ମହାଆଡ଼ମ୍ବରେ,
କୃପାଶିଷ ମାଆ ଦେ ତୁ ବରଷି
ଗୁହାରୀ ଘେନ ମା' ବାରେ,
ଦୁର୍ଗତି ନାଶିନୀ ଅଭୟ ଦାୟିନୀ
ମାଆ ତୁ ସିଂହ ବାହିନୀ
ତୁହି ମାଆ ବ୍ରହ୍ମଚାରିଣୀ ।