ତୁ

ତୋତେ ଭାବିଲେ

ମନ ଉଡେ ମେଘ ଛୁଇଁ

ଦେଖିଲେ

ମନରେ ଇନ୍ଦ୍ରଧନୁର ହସ

ତୋ ସହ କଥା ହେଲେ

ମିଳିଯାଏ ଅୟୁତ ଶାନ୍ତି, ଆନନ୍ଦ।

ତୋ ସଂଗେ କଥା ହେବା ପାଇଁ

ବାହାନା ଖୋଜେ

ତୋତେ ନେଇ କେତେଟା ପୃଥିବୀ

ତିଆରି କରେ

ମନ ଚଢେଇ

ତୋ ସହ ଉଡେ କଳ୍ପନା ଆଖିରେ।

ଗଜର ଗଜର ପ୍ରେମ

ଥୋପା ଥୋପା ବହି ପଡେ

ପାହାଡ଼ ଫଟାଇ ମଞ୍ଜିଟେ

ଦୁଇ ପତ୍ର ମେଲି ବାହାର

ଅନ୍ଧାର ମାପେ।

ଚିଲକୁ ଡରେ

ନିଜକୁ ଲୁଚେଇବି ତ କେଉଁଠି ?

ଘର ଭିତର ବାହାର ବା

ବାଘରେ ଭର୍ତ୍ତୀ

ଟାଣିନେବେ ଦିନ ଦି ପହରେ

"ତୁ" ମୋର ଗୋଟେ

ସୁରକ୍ଷିତ ପୃଥିବୀ ହେବୁ ?