ତୁ ମୁଁ ସାଥେ ସାଥେ

ପୁନେଇଁ ରାତିରେ ଜହ୍ନ ଆଲୁଅରେ

ଖେଳୁଥିଲେ ବୋହୁଚୋରି,

କୁଆଁର ପୁନେଇଁ ପାଳୁଥିଲେ ଆମେ

ପାଳଭୁତ ଖେଳ କରି ।

ଜହ୍ନକୁ ଅନେଇ ପୂଜା କରୁଥିଲେ

କରୁଥିଲେ କେତେ ମଜା,

କବାଡି ଖେଳରେ କେତେ ମଜାଥିଲା

ଥଟ୍ଟା କରୁଥିଲେ ଅଜା ।

ଘରକୁ ଫେରିବା ଡେରି ହୋଇଗଲେ,

ମାଆଙ୍କର ମାଡ ଗାଳି,

ମୋ ପାଇଁ ତୁ ମାଡ ଗାଳି ଖାଉ

କରିନାହୁଁ କେବେ ଅଳି ।

ସେଦିନ ରାତିରେ ମୁହିଁ ଶୋଇଥିଲି

ତୋହରି ବିଛଣା ପରେ,

କାଳେ ପଡିଯିବି ତଳେ ଗଡିଯିବି

ଜଗି ବସିଲୁ ପାଦରେ ।

ତୋ ବପା ମା' ମୋର ପାଇଁ ସତେ

ଅଟନ୍ତି ଦେବତା ସମ,

ତୁ ଥିଲେ ସତେ ପାଖରେ ମୋହର

ନେଇ ପାରିବନି ଯମ ।