ତୁ ହିଁ ଭବିଷ୍ୟତ

ଜୀବନ ହୁଅଇ ଧନ୍ୟ

କଲେ ପର ହିତ

ପିତାମାତା ସଦାକାଳେ

ପ୍ରେରଣାର ସ୍ରୋତ ।

ଜାତି ଧର୍ମ ଭାଷା ବର୍ଣ୍ଣେ

ନ ରଖିବୁ ଦ୍ବେଷ

ସଭିଏଁ ସମାନ ଏଠି

ଜନଙ୍କୁ ତୁ ତୋଷ ।

ସାଧାରଣ ଜନତାର

ହୋଇବୁ ତୁ ମିତ

ଏଇ ଦେଶ ମାତୃକାର

ତୁ ହିଁ ଭବିଷ୍ୟତ ।

ନୈତିକତା ହେଉ ତୋର

କାଳଜୟୀ ବ୍ରତ

ଭାରତ ମାତା ସପୁତ

ଏ ଜଗତ ଜିତ ।

ଦୁର୍ନୀତିର ମୂଳପୋଛ

ଅଟେ ରାଷ୍ଟ୍ର ହିତ

ଭୟଙ୍କର ରାକ୍ଷସ ଏ

କରେ କବଳିତ ।

ଦେଶେ ଖେଳେ ହାହାକାର

ଭ୍ରଷ୍ଟାଚାର ଭୂତ

ଜନତା ଆହ୍ବାନ କରେ

କର ତୁ ନିପାତ ।

ରଖ ଶିର ଉଚ୍ଚା କରି

ଦେଶ ପ୍ରାଣ ନେତ

ଜୀବନକୁ ବଳି ଦେଇ

ହୁଅ ତୁ ମୁକତ ।