ଲାଇବ୍ରେରୀ
ପ୍ରୋଫାଇଲ୍
ସ୍ତ୍ରୀ
ସ୍ତ୍ରୀ
1 min
322
ଜୀବନର ଚଲାପଥେ କ୍ଷଣଟିଏ ଆସେ
ଅଲିଅଳି ଦୁହିତାଟି ବୋହୁବେଶ ସାଜେ
ଦୁଇ ପଟ ଚୁଡି ଆଉ ଟୋପାଏ ସିନ୍ଦୁର
ଠିକଣା ବଦଳି ଯାଏ ଆଉ ଏକ ଘର।
ସୀମନ୍ତିନୀ ସୋହାଗିନୀ ଅବା ଗୃହବଧୁ
ନୂତନ ଦାୟିତ୍ୱ ନେଇ ଗୃହ ରକ୍ଷା ସାଧୁ
ସକାଳରୁ ରାତି ଯାଏଁ ଘର କାମ ଯେତେ
ହରସି ଭରସି କରେ ଅନେକ ପ୍ରଯତ୍ନେ।
ସୂଚାରୁ କର୍ମ କୁଶଳା ଗୃହ ପ୍ରବନ୍ଧିକା
ସକଳ ଦାଇତ୍ଵ ସିଏ ନେଇଥାଏ ଏକା
ପରିବାର ସଦସ୍ୟର ଖୁସିରେ ତା ଖୁସି
ଦୁଃଖ ହେଉ କଷ୍ଟ ହେଉ ଦେଉଥାଏ ହସି।
ସ୍ତ୍ରୀଟିଏ ଅଟେ ସର୍ବଦା ଘରର ସମ୍ଭାର
ସ୍ବର୍ଗସମ ଥାଏ ଘର ଲାଗେ ଆପଣାର।
