ଟୁକୁ ଟୁକିଆ ଚୁଟିଆ ମୂଷା

ଟୁକୁ ଟୁକିଆ ଚୁଟିଆ ମୂଷା

ଗାତରେ ଲୁଚି ସେ ରହେ

ଚାଉଳ ଡାଲି ଗହମ ଖସା

ଲୁଚି ଲୁଚି କରି ଖାଏ ।।

ଧରା ଦିଏନା ଜମାରୁ ସିଏ

ନାଚି ନାଚି କରି ଧାଁଏ

ଲୁଗାପଟା ଆଉ କାଗଜ ପତର

କାଟି ଟିକି ଟିକି କରି ଦିଏ ।।

ଟୁକୁ ଟୁକିଆ ଚୁଟିଆ ମୂଷା

ମୁଁହ ତା ଛୋଟ ନିଶଟା ଲମ୍ବା

ଆଖି ଛୋଟିଆ ଦେହ ଲୁମିଆ

ଚାଲି ନ ଜାଣି ସେ ମାରଇ ଡ଼ିଆଁ ।।

ବିଲେଇ ଯେବେ ଆସେ ତା ପାଖେ

ଭୟରେ ସେ ଯାଇ ତା ଗାତେ ପଶେ

ବିଚରା ବିଲେଇ ପାଏନା ଖୋଜି

ଶେଷରେ ସେ ପୁଣି ପାରେ ଯେ ବୁଝି ।।

ଟୁକୁ ଟୁକିଆ ଚୁଟିଆ ମୂଷା

ଦାନ୍ତ ତା ଲମ୍ବା ଭାରୀ ମୁନିଆ

ଦିନ ରାତି କିଛି ସିଏ ମାନେନା

ଅନ୍ଧାର ରାତିରେ କରେ ଛାନିଆ ।।