ମୋର ପ୍ରିୟ କଲେଜ

 ଏଇ ତ ମୋର ମୋର ପ୍ରିୟ କଲେଜ

 ଯେଉଁଠି ପାଇଛି ମୁଁ ମୋର ବ୍ୟକ୍ତିତ୍ୱ ।

 ଯିଏ ମୋତେ ଦେଇଛି ଦକ୍ଷତା ଓ ଯୋଗ୍ୟତା

 ଯାହାର ସବୁଜ ଅଗଣା ମୋର କିଶୋର ମନକୁ

 ମୁଗ୍ଧ କରିଛି।

 ସ୍ନେହମୟୀ ଜନନୀ ପରି ଯିଏ ମୋତେ 

 ଆଦର କରିଛି ।

 ଧାତ୍ରୀ ପରି ଯିଏ ତାର ସମସ୍ତ ସନ୍ତାନକୁ

 କୋଳାଗ୍ରତରେ ଆବୋରି ଧରିଛି ।

 ସେଇତ ମୋର ପ୍ରିୟ କଲେଜ

 ଯେଉଁଠି ଛୁଆଁ ଅଛୁଆଁର ବିଚାର ନାହିଁ ।

 ସମସ୍ତେ ଗୋଟିଏ ମାଆର ସନ୍ତାନ ପରି ..

 ସଭିଏଁ ନିବିଡ଼ ସମ୍ପର୍କରେ ଛନ୍ଦି ।

 କେହି ମୋର ଭାଇ କେହି ମୋ ଭଉଣୀ 

 କେହି ପୁଣି ସଖା ସଭିଏଁ ମୋ ସହୋଦର ।

 ଗୁରଜନ ଆମର ପିତା ମାତା ପରି..

 ସମସ୍ତ ଭୁଲ୍ କୁ କ୍ଷମାକରି ସଦ୍ ଜ୍ଞାନ ଦିଅନ୍ତି।

 ସଭିଏ ଏଇଠି ଆପଣାର ଲାଗନ୍ତି ,

 ସତେ ଯେମିତି ଗୋଟିଏ ପରିବାର ପରି ..

 ଏଇତ ମୋର ପ୍ରିୟ କଲେଜ 

 ଯେଉଁଠି ମୁଁ ଶାନ୍ତି ପାଇଛି .. ତୃପ୍ତି ପାଇଛି

 ସ୍ନେହ ପାଇଛି ..ଆନନ୍ଦ ପାଇଛି ..

 ଯେଉଁଠି ପାଇଛି ମୁଁ ମୋ ମନର

 ଅନେକ ଅଭିଳାଷ ।

 ସେଇତ ମୋର ପ୍ରିୟ କଲେଜ...

 ସେଇତ ମୋର ପ୍ରିୟ କଲେଜ ।