ବୁଢା ବୁଢ଼ୀ

 

ବୁଢା ଯାଉଥିଲା ଚଲେଇ ମୋଟର

ବୁଢ଼ୀ ବସି ଥିଲା ପଛେ

ବୁଢା ଜାଣି ଜାଣି ବ୍ରେକ୍ ମାରେ

ଯେଉଁଠି ହମ୍ପସ୍ ଦେଖେ ।।

ପାକୁଆ ପାଟିକୁ ଥମ ଥମ କରି

ବୁଢ଼ୀ ଗାଳି ଯେବେ କରେ

ବୁଢାକୁ ତା କଥା ଭାରି ମଜା ଲାଗେ

ପୁଣି ବ୍ରେକେ ଜାବୁଡି ଧରେ ।।

ରାଗି କରି ବୁଢ଼ୀ ଉହ୍ଲାଏ ଗାଡ଼ିରୁ

ଚାଲି ଚାଲି ଯିବି କହେ

ବୁଢା ତାକୁ ପୁଣି ବୁଝେଇ ସୁଝେଇ

ପଛରେ ବସେଇ ନିଏ ।।

ବାଟରେ ବୁଢା ଯେ କମେଣ୍ଟ ମାରଇ

ନାତୁଣୀ ମାନଙ୍କୁ ଦେଖି

ବୁଢ଼ୀ ରାଗି ପୁଣି ମୁଁହକୁ ଫୁଲାଇ

ବୁଢାର ମୁଁହ ମୋଡେ଼ ପଛେ ବସେ ।।

ପହଞ୍ଚି ସେମାନେ ସମୁଦି ଘରେ

ଭାର ସଜ ସବୁ ଏକାଠି ଥୋଇ

ଆଲିଙ୍ଗନ ହୋଇ ସମୁଦି ସହ

ହସି ଦିଏ ପାନ ପାଟିରେ ଦେଇ ।।