ଟଙ୍କା
ଟଙ୍କା
ଟଙ୍କା ଦିଅ ଟଙ୍କା ଦିଅ
ଟଙ୍କା ବଦଳରେ ଯାହା ଚାହଁ
ନିଅ ନିଅ ନିଅ ନିଅ |
ପିଲାଠାରୁ ବୁଢ଼ା ରଙ୍କା
ଟଙ୍କା ଟଙ୍କା ଟଙ୍କା
ଟଙ୍କା ବିନା ଏଇ ଦୁନିଆଟା ଫିକା
ଲାଗେ ଖାଲି ଫାଙ୍କା ଫାଙ୍କା |
ଏବେ ଟଙ୍କା ପାଇଁ ନାରୀ
କଲେଣି ଯାଇ ଚାକିରୀ
ଏକପଟେ ଟଙ୍କା ଆରପଟେ ଶଙ୍କା
ଛଟପଟ ଏ ସଂସାରୀ |
ଟଙ୍କା ଥିଲେ ବନୁ ହାତୀ
ଆସିବ ତୋ ଘର କତି
ଟଙ୍କା ଥିଲେ ରାଜ ଚକ୍ରବର୍ତ୍ତୀ ପଦ
ମୁଣ୍ଡେ ଟେକା ହେବ ଛତି ।
ଟଙ୍କା ଥିଲେ ମୂର୍ଖ ଜ୍ଞାନୀ
ଟଙ୍କା କରିଥାଏ ମାନୀ
ଟଙ୍କା ନାହିଁ ଯାର ପାଏ ହତାଦର
ହୋଇଥାଉ ଯେଡ଼େ ଜ୍ଞାନୀ |
ଟଙ୍କା ନଥାଏ ଯାହାର
ଭିକାରୀ ସିଏ କାଙ୍ଗାଳ
ଟଙ୍କା ପାଇଁ ମା ଶିଶୁ ବିକିଦିଏ
ରୋଗେ ଯାଏ ଯମ ଆଳ |
ଟଙ୍କା ଥିଲେ ଟି ପାଖରେ
ଖାତିର ଏ ସମାଜରେ
କଳିଯୁଗେ ଟଙ୍କା ବିନା ରାସ୍ତା ବଙ୍କା
ଟଙ୍କାରେ ମହତ ବିକା |
ଟଙ୍କା ବଳେ ଛେଳି ବାଘ
ଧଣ୍ଡ ଛୁଆ ହୁଏ ନାଗ
ଟଙ୍କା ନେଇ ଲୋକେ ଭୋଟ ଦେଲେଣି
ଦେଖ ଗଣତନ୍ତ୍ର ବାଗ |