ଟଙ୍କା ଗଛ

ଲଙ୍କା ଗଛ ନୁହେଁ ଟଙ୍କା ଗଛ ଅଟେ ଇଏ 

ଜାଣି ନ କି କେହି ଟଙ୍କା ଫଳଇ ଗଛ ରେ ॥

ଚାରା ରୋପି ପାଣି ଢାଳିଲେ ତାହା ମୂଳରେ

ଆତ ଫଳ ଫଳି ରୁପିୟା ତହିଁ ରୁ ମିଳେ ॥

ଟଙ୍କଧର ନାମେ ଥିଲା କାହିଁ ଲୋକ ଜଣେ

ଟଙ୍କା ଗଛ ର ସେହି ଆବିଷ୍କାରକ ପଣେ ॥

ଢେଙ୍କିକୁଟ ଗ୍ରାମେ ଥିଲା ବସତି ତାହାର

ଚେଙ୍ଗା ବାବାଙ୍କର ଚେଲା ସେହି ଟଙ୍କଧର ॥

ଫଳାଇଲା ବହୁ ଟଙ୍କା ଓ ପଇସା ଜାଣ

କଳ ବିନା ହୋଇବାରୁ  କଳା ଟଙ୍କା ନାମ ॥

ନକଲ ହେବାରୁ ତାହା ନକଲି ରୁପିୟା

ଏହି ପରି ନାନା ନାମ ଗଲା ତାକୁ ଦିଆ ॥

ଅଳପ ଦିନରେ ସେହି ଟଙ୍କା ଗଛ ରେ ଯେ 

ଅସଂଖ୍ଯ ଟଙ୍କା ଫଳ ମାନ ଫଳିଲା ସହଜେ ॥

ମନିପ୍ଲାଣ୍ଟ୍ ବୋଲି ଏହି ମଡର୍ଣ୍ଣ ଯୁଗରେ

ଲୋକ ବାକ ମାନେ ମନି ଫଳାନ୍ତି ଗଛରେ ॥

ଟଙ୍କା ଗଛ ଶାଗ ମାଛ ଦରେ କାରବାର

ହୋଇ ବଢି ଗଲା ବେଗେ ଭାଉ ଯେ ତାହାର ॥

ସବୁ ଠାରେ ଲାଭ କଲା ଜନତା ଆଦର

ପୋଲିସି ବୋଇଲା ତାହା ପକଡ ବା ଧର ॥

ପୁଲିସି ପାକିଟି ଆସି ପୁଣି ହେଲା ଚୁରା

ଖାସି, ମଦ , ଖାଇ ସାରି ନାହିଁ ତ' ଖୁଚୁରା ॥