ଲାଇବ୍ରେରୀ
ପ୍ରୋଫାଇଲ୍
ଟିକି ସିନା ଚିନ୍ତା ତା ମହାନ
ଟିକି ସିନା ଚିନ୍ତା ତା ମହାନ
1 min
355
ଟିକି ଟିକି ପକ୍ଷୀ ଆମେ
ନୀଳ ଆକାଶର
ଟିକି ଟିକି ଡେଣା ଆମ
ସରଗ ସୁନ୍ଦର ।।
ଟିକି ଟିକି ପ୍ରଜାପତି
ରଙ୍ଗ ବେରଙ୍ଗର
ଉଡୁଥାଉ ଫୁଲେ ହୋଇ
ଅନନ୍ଦ ମୁଖର ।।
ଟିକି ଟିକି ଫୁଲ ଆମେ
ଟିକି ବଗିଚାର
ବାସନାରେ ଭରିଦେବୁ
ଏ ସାରା ସଂସାର ।।
ଟିକି ଟିକି ଆଖି ଆମ
ଜ୍ୟୋତିର ଭଣ୍ଡାର
ଟିକି ଟିକି ଓଠ ଆମ
ହସର ସାଗର ।।
ଟିକି ଟିକି କଥା ଆମ
ଗୀତ ଠୁ ସୁନ୍ଦର
ଟିକି ଟିକି ସୁର ଆମ
ମଧୁ ଠୁ ମଧୁର ।।
ଟିକି ଟିକି ହାତ ଆମ
ଦାନର ଭଣ୍ଡାର
ଟିକି ଟିକି ପାଦ ଆମ
ଶକ୍ତିର ସମ୍ଭାର ।।
ଟିକି ଟିକି ମନ ଆମ
ନୀଳ ପାରାବାର
ଏ କୂଳ ସେ କୂଳ ଛୁଏଁ
ପର ଠୁ ନିଜର ।।
ଟକି ଟିକି ସ୍ବପ୍ନ ଆମ
କେତେ ଯେ ଯୁଗର
ଗଢିବୁ ଦୁନିଆ ନୂଆ
ସତ୍ୟ ଓ ଧର୍ମର ।।
କୁଳୁକୁଳୁ ଝରୁଥିବ
ଅମୃତର ଧାର
ହସୁଥିବ ବସୁନ୍ଧରା
ସବୁଜ ସୁନ୍ଦର ।।
ଆମେ ସିନା ଟିକି ପିଲା
ଟିକିରେ ନଜର
ଟିକି ମଧ୍ୟେ ବଡ ଚିନ୍ତା
ସଭିଏଁ ନିଜର ।।
