ଟିକି ଶିଶୁ ଟିଏ ମୁହିଁ

      ଫୁଲ ଟିଏ ପରି      କୋମଳମତି ମୁଁ

          ଚେହେରା ମୋ ତେଜମୟ ,

     ଜ୍ଞାନ ବୁଦ୍ଧିବଳେ       କରିବାକୁ ଇଚ୍ଛା

            ସବୁରି ହୃଦୟ ଜୟ ।

     କେତେ ଆଶାା ନେଇ    ଆସିଛି ଏ ଧରା 

           ସପନ ମୋ ଅସୁମାରୀ ,

    ବଡ଼ ହୋଇ କାଲି      ଦେଶ ଜାତି ଲାଗି

           ଯିବି ମୁଁ କରମ କରି ।

    ଅନ୍ଧାରକୁ ଚିରି       ଆଲୋକ ହେବି ମୁଁ

            ଲକ୍ଷ ଜନଙ୍କ ପାଇଁ ,

    ଦୁଃଖି ଅରକ୍ଷିତ        ସେବା ମନୋଭାବ

         ଦେଉଥିବ ମୋତେ ସାଇଁ ।

    ଗୁରୁଜନ ସଦା           ଈଶ୍ୱର ଅଟନ୍ତି 

           ମାନିିିବି ତାଙ୍କରି କଥା ,

   ଅନ୍ୟାୟ ଆଗରେ       ହାରିବିନି କେବେ

           ନୁୁୁଆଁଇବି ନାହିଁ ମଥା ।

   ସରଗର ସୁଖ          ମରତେ ଆଣିବି

          ସୁଧା ଝରୁଥିବ ଯହିଁ ,

   ଭାବନା ଯେ ମୋର     ସତେ କେଡ଼େ ବଡ଼ 

          ଟିକି ଶିଶୁ ଟିଏ ମୁହିଁ ।