ଟିକେ କହିବ

ସୂର୍ଯ୍ୟର ତାତିରେ

ମନ ମୋର ଖୋଜେ

ଶୀତଳ ଛୁଆଁ ତୁମରି

ରାତ୍ରିର ଜହ୍ନରେ

ଖୋଲା ଆକାଶରେ

ମନେ ପଡ ତୁମେ ଭାରି Il

ଏକା ଏକା ଲାଗେ

ତୁମରି ବିରହେ

ଫିକା ଲାଗେ ଏ ଜୀବନ

ଦିନ ରାତି ଖାଲି

ତୁମ ପ୍ରତିଛବି

ତୁମ ଅଭୁଲା ସପନ ll

ତୁମେ ବହୁଦୂରେ

ହସ ମୋ' ନେଇଛ

ବିରହେ ଜଳିବ ପାଇଁ

ସ୍ମୃତି ସବୁ ଛାଡି

କି ସୁଖ ପାଉଛ

ଜାଣି ପାରିବିକି ମୁହିଁ ?

ଆକାଶେ ଦେଖିଲେ

ଉଡ଼ନ୍ତା ପକ୍ଷୀଙ୍କୁ

ଉଡିବାକୁ ଇଛା ହୁଏ

ତୁମେ ନୁଁହ ବୋଲି

ମୋ'ମନ ଅଟକି

ଶୂନ୍ୟତାକୁ ଖାଲି ଚାହେଁ ll

ଜଗିଛି ତୁମର

ଫେରିବା ବାଟକୁ

ଆସିବ ଅବାକି ତୁମେ

ସାଇତିଛି ସବୁ

ଯୁଗ ଯୁଗ ପ୍ରେମ

ଦେଇଥିବା ପ୍ରତିକ୍ଷଣେ ll

ତୁମେ ମତେ ଭଲ

ପାଅ କି ନପାଅ

ଭଲ ପାଏ ମୁଁ ତୁମକୁ

କବିତା ହେଉକି କଥା

ବୁଝିଲେ ପ୍ରେୟସୀ

ଯୁଗ ଯୁଗକୁ ll