ଠିକାନା

ତାର୍ ଖୋଜ୍ ନେ ବଲୁଛେ

ଜେନ୍ ନେ ମିଲବା ସୁଖ୍

ଦୁଖ୍ ରଚେକ୍ ନେଇଁଥିବା 

ତାର୍ ଠିକାନା ଖୋଜୁଛେ ।

ନରୁଛେ ଖୁଲା ବାଦଲ୍ 

ଜେନ଼ ନେ କାହାରି ଡର୍ ନେଇଁ

ଚେରେ ବାଗିର୍ ଉଡ଼ି ବୁଲୁଥିତି

ତାର୍ ଠିକାନା ଖୋଜୁଛେ ।

ହର଼ ଦିନ଼ ଭୋକେ ତଡପୁଛେଁ

ଥରେକ଼ ଖେଇଦେଲେ ଭୋକ୍ ଉଭି ଜାଏତା

ହେନ୍ତା ଖାଏଦ଼ କାଣା ଅଛେ କାଏଁ?

ତାର୍ ଠିକାନା ଖୋଜୁଛେ ।

ଆଏଁଖ୍ ନୁ ଲୁହୁ ବହୁଛେ 

ଇ ଧାର୍ ଛନେକ୍ ନେ ସୁଖି ଜାଏତା କି

କିଏ ଅଛ କାଏଁ ପୁଛି ଦେବାକେ ?

ତାର୍ ଠିକାନା ଖୋଜୁଛେ । 

କେଭେଁ ମାଁ ର୍ ମୁହୁଁ ନାଇଁ ଦେଖି

ବୁଆର୍ ନାଁ ନାଇଁ ଜାନି 

କିଏ ଆପନା କରିପାରବ କାଏଁ ?

ତାର୍ ଠିକାନା ଖୋଜୁଛେ ।