Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Anita Dash

Abstract Tragedy Others

3  

Anita Dash

Abstract Tragedy Others

ତତେ ମା' ମୁଁ ମନେ ପକାଉଛି

ତତେ ମା' ମୁଁ ମନେ ପକାଉଛି

1 min
46


ହରଦମ ଦୁଇ ଆଖି କୋଣେ କାଇଁ

ଲୁହ ଟୋପା ଟୋପା ଜକଉଚି,

ଯେତେ ବୁଝେଇଲେ ମନ ମୋ ବୁଝୁନି

ତତେ ମା ମୁଁ ମନେ ପକଉଛି I

ବାର ବାର ଡାଁ ଆଖିପତା କିଏ

ତଳକୁ ଉପର ନଚଉଛି,

ଗରମ ଗରମ ତତଲା ନିଶ୍ଵାସ

ଛାତି ଭିତରଟା ତତଉଛି I

ଝାଳ ବିନ୍ଦୁ ବିନ୍ଦୁ ଝରି ଝରି ଯାଇ

ଦେହସାରା ଖାଲି ସଂତଉଛି,

ଚାଲିଲା ବେଳକୁ ପାଦ ଦୁଇଟି ମୋ

ଏପଟ ସେପଟ ପକଉଛି I

ସକାଳର ମନ୍ଦ ସମୀର ମୋ ମନ

ଫରଫର କିଆଁ ଉଡାଉଛି,

ମିଠା ମିଠା ମଲ୍ଲି ବାସନା କାହିଁକି

ପ୍ରାଣରେ ପୁଲକ ଜଗାଉଛି I

ନୀଳ ଅକାଶର ପକ୍ଷୀର କାକଳି

କାନରେ ମୋ ଆସି ଗୁଞ୍ଜୁଅଛି,

ଆଲୁରୁ ବାଲୁରୁ ସୁଖ ଦୁଃଖ କେତେ

ଭାବନାରେ ମନ ମଜଉଛି I

ପୂରୁବ ଆକାଶେ ବାଳ ସୂରୁଜର

କିରଣ ଆଶାକୁ ଜଗାଉଛି,

ଭସା ଭସା ମେଘ ସାଥେକି ମା ଲୋ

ସନ୍ଦେଶ କି କିଛି ଆସୁଅଛି ।

ହାଲକା ହାଲକା ଦଲକା ପବନ

ମନରେ ଶରଧା ବଢ଼ଉଛି,

ପରସ୍ତ ପରସ୍ତ ସ୍ମୃତିର ପଟଳ

ଫୁଲେଇ ପଣିଆ ଉଖାରୁଛି I

ତୋ କୋଳେ ଟିକେ ମୁଣ୍ଡ ରଖି ଗେଲ

ହେବାକୁ ମୋ ମନ ତରସୁଛି,

ଫୁଲି ଫୁଲି କାନ୍ଦି ଗୋଡ ଛାଟି ଛାଟି

ଅଝଟକୁ ମନ ବଳଉଛି I


Rate this content
Log in