ତୃତୀୟା ତିଥିରେ

ବୈଶାଖ ମାସର ତୃତୀୟା ତିଥିରେ 

ଏମିତି ସେ ଦିନ ଘଡି ପଥୁଲିରେ ମନ 

ରଥ ଚକ ଅନୁକୂଳେ ଧ୍ୟାନ 

କୃଷକ ଭାଇ ବୁଣେ ମୁଠି ଧାନ ।

ଏ ଦିନଟି ସବୁଠୁ ଶୁଭ ଦିନ 

ଲୋଡ଼ା ନାହିଁ ପାଞ୍ଜି ଅଭିଧାନ 

ବିବାହ ବ୍ରତ ଘରପ୍ରତିଷ୍ଠା ମାନ 

ଶୁଭ ହୁଏ କଲେ ଏହି ଦିନ ।

ରଥ ଗଢ଼ା ହେବ ଆଜିଠୁ ଜାଣ 

ମାଉସୀ ମାଆ ଘର ଯିବେ ସୁନା ଧନ 

ଲକ୍ଷେ ପାପ ଧୋଇଯିବ କଲେ ଦର୍ଶନ 

ମାଆଲଷ୍ମୀ କରିବେ କେତେ ମାନଅଭିମାନ ।

ପାଣ୍ଡଵ କୌରଵ ଯୁଦ୍ଧ ସମାପନ ଏହି ଦିନ 

ଏହି ଦିନେ ପର୍ଶୁରାମ ଙ୍କ ଶୁଭ ଜନ୍ମ 

ଗଙ୍ଗାମାତା ଓଲ୍ହାଇଲେ ଧରାଧାମେ ଏ ଦିନ 

ସତ୍ୟଯୁଗ ଆରମ୍ଭ ବ୍ରହ୍ମାଙ୍କନନ୍ଦନ ଅକ୍ଷୟଙ୍କଜନ୍ମ।

ଅକ୍ଷିତୃତୀୟାରେ ଅକ୍ଷି ସଜଡାରେ 

ରଖି ମନ ମୁନ ଚଇତନ 

ସର୍ବ ଦେବାଦେବୀ କରନ୍ତି ପୁଷ୍ପ ବର୍ଷଣ 

ସର୍ବ ଶୁଭାଷୁଭ କହି ଦିଅନ୍ତି ବରଦାନ ।

ଅକ୍ଷିତୃତୀୟାରେ ରଖିବା ଧ୍ୟାନ 

ଶୁଭଲଗନର ସ୍ଵଛ ବିଦ୍ଧି ବିଧାନ 

ପର୍ବ ପର୍ବାଣୀ ସର୍ବାଗେ ଏ ଦିନ 

ସ୍ଵଛ ମନେ ସ୍ଵଛ ପରମ୍ପରା ବୀଜବପନ ।

ଓଡିଶା ରାଇଜ ପର୍ବ ପାର୍ବଣ 

ଅକ୍ଷିତୃତୀୟା ମହାନ ଭିତରେ ମହାନ 

ଚକ କହେ ମୁଁ ଅଖ କହେ ମୁଁ ଉତ୍ଥାନ 

ଚକ ଅଖ ଦୁହେଁ ମିଶି ରଥେ ପ୍ରଭୁ ଦର୍ଶନ ।

ଅକ୍ଷିତୃତୀୟାରେ ଚକା ନୟନ 

ରଥ ଅନୁକୂଳେ ବଳାଇ ମନ 

ଆକାଶରେ ସୂର୍ଯ୍ୟ ଚନ୍ଦ୍ର କରନ୍ତି ପୁଷ୍ପବର୍ଶଣ 

ସୁନେଲି ସ୍ବପନେ ଚାଷୀ ବିଭୋର ମନ ।