ଲାଇବ୍ରେରୀ
ପ୍ରୋଫାଇଲ୍
ତ୍ରିରଙ୍ଗା
ତ୍ରିରଙ୍ଗା
1 min
150
ତ୍ରିରଙ୍ଗା ପତାକା ନୁହଇଁ ସାମାନ୍ୟ
ରଙ୍ଗ ବେରଙ୍ଗ କପଡା
ଆମ ମାଆ ଭାରତ ମାଟିର
ଅଟେ ମଥାମଣି ପରା।
କେତେ ଲହୁ ଲୁହ ଢ଼ାଳି
ବହୁ ବର୍ଷର ଶୋଷଣ କଷଣ
ଅତ୍ୟାଚାର ବିରୁଦ୍ଧରେ ମୋ
ଦେଶ ବାସୀ ଲଢି ଲଢି ଏଇ
ପାଇଛୁ ଯେ ସ୍ୱାଧୀନତା
ପଞ୍ଚସ୍ତରୀ ବର୍ଷ ପାଇଁ
ପାଳନ ହେଉଛି ଏଠି
ଅମୃତ ମହୋତ୍ସବ
ଆକୁମାରୀ ହିମାଚଳ
ପ୍ରତି ଘରେ ଘରେ ଉଡୁଛି ତ୍ରିରଙ୍ଗା
ଶାନ୍ତି ମୈତ୍ରୀ ପ୍ରୀତିର ପ୍ରତୀକ
ଅହିଂସା ମନ୍ତ୍ରରେ ଆମେ ଯେ ଦୀକ୍ଷିତ
ଆମରି ତ୍ରିରଙ୍ଗା ଉଡେ ଫରଫର
ନିର୍ଭୟରେ ସୁନୀଳ ଗଗନେ
ଏକ ପତାକା ଏକ ଜାତୀୟ ସଙ୍ଗୀତ
ଏକ ସମ୍ବିଧାନ ନେଇ
ବିଭିନ୍ନତା ମଧ୍ୟରେ ଏକତା ରହିଛି
ଏଇ ତ୍ରିରଙ୍ଗା ର ତଳେ
ଆମରି ଏକତା ଅକ୍ଷୁର୍ଣ୍ଣ ରହିବ
ଦେଶ ମାତୃକା କୋଳେ
ଏଇ ମୋ ଭାରତ ଭୂଇଁ
ତ୍ରିରଙ୍ଗା ଉଡୁଛି ଆହା କି ସୁନ୍ଦର
ଭାରତ ବାସୀଙ୍କ
ମଥା ଯାଏ ନଇଁ ନଇଁ।
