ତ୍ରିରଙ୍ଗା
ତ୍ରିରଙ୍ଗା
ତ୍ରିରଙ୍ଗା ଆମର ଜାତୀୟ ପତାକା
ଉଡୁଥାଏ ଫରଫର
ନାରଙ୍ଗୀ,ଧବଳ ସବୁଜ ରଙ୍ଗରେ
ଦିଶଇ କେଡ଼େ ସୁନ୍ଦର l
ସତ୍ୟ, ଶାନ୍ତି, ମୈତ୍ରୀ ପ୍ରଗତି ପ୍ରତୀକ
ଆମ ଏ ତ୍ରିରଙ୍ଗା ବାନା
ସର୍ବେ ହୋଇ ଏକ ଉଡ଼ାଇବା ଆସ
ସପନକୁ କରି ସୁନା l
ସୀମାନ୍ତରେ ଉଡ଼ି ବଖାଣିଥାଏ ସେ
ସଂଗ୍ରାମୀ ବୀରଙ୍କ କଥା
ମହାନ ଜାତିର ପରିଚୟ ସିଏ
ଗୌରବର ମହା ଗାଥା l
ଜାତି, ଧର୍ମ, ବର୍ଣ୍ଣ ସବୁରି ଉର୍ଦ୍ଧରେ
ଗର୍ବେ ଉଡୁଥାଏ ସିଏ
ଦେଶପ୍ରେମ ବହ୍ନି ପ୍ରଜ୍ବଳିତ କରି
ଆମକୁ ସାହସ ଦିଏ l
ଏକତାର ସୂତ୍ରେ ସମସ୍ତଙ୍କୁ ବାନ୍ଧି
ବୀରତ୍ୱର କଥା କହେ
ଏ ଜାତିର ଟେକ ରଖିବା ପାଇଁ ସେ
ସବୁ ମଥାପାତି ସହେ l