ତ୍ରିରଙ୍ଗା

ଜାତୀୟ ପତାକା ଆମରି ଦେଶର

ତ୍ରିରଙ୍ଗା ମୈତ୍ରୀ ର ଅନନ୍ୟ ସ୍ୱାକ୍ଷର ।

ଯହିଁ ପ୍ରସ୍ଫୁଟିତ ଜାତୀୟ ଚେତନା

ଅତୁଳନ ଗାଥା ଗୌରବ ଗାରିମା ।

ଜାତୀୟ ସଂହତି ଐକ୍ୟ ମୈତ୍ରୀ ରକ୍ଷା

କରି ଗଲେ ଯାହା ନିର୍ମାଣ ଭେଙ୍କେଆ ।

ତିନି ରଙ୍ଗ ଘେନି ଦୀପ୍ତି ସୂରଞ୍ଜନ

ପ୍ରତି ଭାରତୀୟ ମନ ଆକର୍ଷଣ ।

କରି ସ୍ନେହ ପ୍ରେମ ଶ୍ରଦ୍ଧା ର ସୁବାର୍ତ୍ତା

ବିତରଇ ବିଶ୍ୱେ ମୈତ୍ରୀ ଓ ଏକତା ।

ଜାତି ଧର୍ମ ବର୍ଣ୍ଣ ସମ୍ପ୍ରଦାୟ ଭାବ 

ଯେ ପତାକା ତଳେ ନ ରହେ କଦାଚ । 

ପ୍ରିତୀ, ଅନୁରାଗ, ସ୍ନେହ ,ପ୍ରେମ, ଶ୍ରଦ୍ଧା, 

ପ୍ଲାବନ ଖେଳାଇ ଜାଗରଣ ସଦା ।

ଆନନ୍ଦ ଉଲ୍ଲାସ ଆହ୍ୱାନ ବୁଣଇ

ପ୍ରିତୀ ଅନୁରାଗ ଅନ୍ତରେ ଯୋଗାଇ ।

ଥାଏ ସଞ୍ଚାରିଣ ଜାତୀୟ ଚେତନା 

ତ୍ରିରଙ୍ଗା ପତାକା  ଦିଅଇ ପ୍ରେରଣା ।

ଦେଶ ଜାତି ସେବା ପାଇଁ ଲୋକଙ୍କର

ହୃଦୟେ ପ୍ରକାଶେ ଭାବ ନିରନ୍ତର ।