ତ୍ରାହି କର ବାରେ

ନାନା ପ୍ରତିରୋଧ ଗତି ପଥ ରୁଦ୍ଧ

  ସମସ୍ୟା ନିନ୍ଦା ପ୍ରହାର

ଅସହ୍ୟ ବେଦନା ଅଚେତନ କରେ

  ଭାବନା କୁ ବାର ବାର

ଶ୍ୱାସ ହୁଏ ରୁଦ୍ଧ ଅବଶୋଷ ରଜୁ

   ଉତ୍ସାହ ଗ୍ରୀବା କୁ ଭିଡ଼ି

ପ୍ରାଣ ମୂର୍ଚ୍ଛା ଯେବେ ନିରୂପାୟ ତେବେ

  ସର୍ବ ଆଶା ପ୍ରଭୁ ଛାଡ଼ି

ଅନ୍ଧ ନୃପରାଜ ନୟନରେ ନୁହେଁ 

  ବିବେକ ବୁଦ୍ଧି ରୁ ଅନ୍ଧ

ଧର୍ମେ ପଥିକ ବିଦୁର ପିତାମହ

  ଅଧର୍ମରେ ପ୍ରତିବଦ୍ଧ

ସୁରକ୍ଷା ଦାତା ତ ଦାଣ୍ଡରେ ବସାଇ

   ଲୋକହସା କରାଇଲେ

ନିଜର ପ୍ରମାଦ କରିବାକୁ ଦୂର

  ସମ୍ମାନକୁ ବିକି ଦେଲେ

ଦର୍ଶକ ସଭିଏଁ ମଜା କେ ଲୁଟନ୍ତି

  କିଏ କିଂକର୍ତବ୍ୟଂ ହୋଇ

ଅଧସ୍ତନ କର୍ମଚାରୀ ଯେଣୁ ସର୍ବେ

   ମଥା ନତେ ବସିଛଇଁ

ଈର୍ଷା କାରୀ ଅବା ଶୋଷଣ କାରୀଏଁ

   ବିବସନା କରିବାକୁ

ସର୍ବ ଆଶା ତେଜି ତୁମ ପାଦେ ଭଜେ

  ଆଉ କିଏ ତାରିବାକୁ

ଉପାୟଶୂନ୍ୟ ଟି ଯାଜ୍ଞସେନୀ ତବ

  ଚରଣେ ଶରଣାଗତ

ଅଗତି ର ଗତି ତ୍ରାହୀ କର ବାରେ

  ସର୍ବକ୍ଷମ ନନ୍ଦସୂତ