ତମେ

ବେରଙ୍ଗ ବେରଙ୍ଗ ଥିଲା ଏ ଜୀବନ

ଲାଗୁଥିଲା ଫିକା ଫିକା

କେଉଁ ଜନମର ପୂଣ୍ୟ ଟିକେ ପାଇଁ

ତମ ସାଥେ ହେଲା ଦେଖା ।

ବଦଳି ଗଲା ମୋ ଜୀବନର ଧାରା

 ଯେବେ ହେଲ ସାଥୀ ମୋର

ବେଦନା ଭରା ଏ ତୃଷିତ ପ୍ରାଣରେ

ସାଜି ପ୍ରେମର ସାଗର ।

ଜାଣିନାହିଁ କେବେ ବାନ୍ଧି ହୋଇଗଲି

 ତୁମରି ପ୍ରୀତିର ଡୋରେ

ହଜିଗଲି କେବେ ଜାଣି ପାରିଲିନି

ମୁଁ ଯେ ତୁମ ଭାବନାରେ ।

ଜୀବନ ସାଗର ଜୁଆର ଭଟ୍ଟାରେ

ତମେ ଥିଲେ ସାଥେ ମୋର

ହସି ହସି ସବୁ ସହିଯିବି ମୁଁ ଯେ

ଝଡ ଝଞ୍ଜା ଜୀବନର ।

ତମେ ମୋ ହାତର ଦୁଇପଟ ଶଙ୍ଖା

ସୀମନ୍ତ ସିନ୍ଦୂର ଗାର

ତମେ ମୋର ଜପ ତମେ ମୋର ତପ

ତମେ ହିଁ ଭାଗ୍ୟ ମୋହର ।