ତିନି ମାଙ୍କଡ଼
ତିନି ମାଙ୍କଡ଼
ମାଙ୍କଡ଼ ହୋଇ ସବୁ ଜାଣଇଁ
ମଣିଷ ଜାଣେନା ଯାହା ।
ସଙ୍କଟ କାଳେ ଦୂରତା ରକ୍ଷା
ନ କଲେ ହୋଇବ ସ୍ୱାହା ।।
ରାସ୍ତା କଡରେ ବସି ମାଙ୍କଡ଼
ଦିଏ ରେ ଦେଖ ଶିକ୍ଷା ।
ଗୁରୁ କରରେ ତାହାଙ୍କୁ ସର୍ବେ
ନେଇ ତାଙ୍କର ଦୀକ୍ଷା ।।
ଆମେ ରେ ଦିନେ ଗାନ୍ଧିଙ୍କ ମନେ
ତିନି ମାଙ୍କଡ଼ ଥିଲୁ ।
କହିବା ଶୁଣିବା କରିବା ପାଇଁ
ଅଭିନୟ କରିଥିଲୁ ।।
କହିବୁ ନାହିଁ ମିଥ୍ୟା କେବେ
କରିବୁନି ଜମା ଭୁଲ ।
ଶୁଣିବୁ ନାହିଁ ମିଥ୍ୟା କଥା
ଜୀବନରେ ବିଲକୁଲ ।।
ଗାନ୍ଧି ଦେଶର ହନୁ ରେ ଆମେ
ଅଛି ଆମ ସ୍ୱାଭିମାନ ।
ମଣିଷ ହାଣେ ଜଙ୍ଗଲ ବୋଲି
ହେଉ ଆମେ ହୀନିମାନ ।।
ରହିବା ପାଇଁ ନାହିଁ ଜଙ୍ଗଲ
ମଣିଷ ଦେଉଛି ଜାଳି ।
ଓହଲ ଟିଏ ନାହିଁ ହୋ ଭାଇ
କେମିତି ଖେଳିବୁ ଦୋଳି ।।
ତେଣୁ ହେ ଆମେ ସହର ମୁହାଁ
ରାସ୍ତା ଘାଟେ ବୁଲୁ ।
ଜୀବନେ ଆମେ କରିନୁ ଦୁଃଖ
ଘର ଛାତରେ ଝୁଲୁ ।।
ପାଇଲେ ଖାଉଁ ନ ହେଲେ ନାଇଁ
ଥିବାଯାଏଁ ଏ ଜଗତ ।
ଜୀବନେ କେବେ କାହା ଆଗରେ
ପତାଇ ନାହୁଁ ହାତ ।।