ତାଲିବାନ

ଏଠାରେ ଅଦ୍ଭୁତ ସୁଖ ହିଁ ପ୍ରତିଶ୍ରୁତି

କର୍ତ୍ତବ୍ୟନିଷ୍ଠ ଦୁଃଖ ହିଁ ପୁରସ୍କାର

ଲୁହ ଲୁହ ଦେଇ ଜଠର ତିଆରି ମାଟି ଘଡାଟିଏ

ତାର କି ଆପଦ୍ଧା-ଆଲିଙ୍ଗନ କରିବାକୁ ରଶ୍ମୀକାନ୍ତ ମୃତ୍ୟୁକୁ,

ତାର କି ଆସ୍ଫାଳନ- ଡେଇଁବାକୁ ପାର୍ବତ୍ୟ ନଦୀକୁ

ଓ ଲଙ୍ଘିବାକୁ ଗିରି ଶିଖରକୁ ?

ପରିଶେଷରେ ଫୁଥରେ ଆବିଷ୍କୃତ ହେବ

ଫେଚାଏ ସିନ୍ଦୂର ଦିପଟ ଶଂଖା

କଳଟେଲ୍ ପାର୍ଟିର ବାସନାରେ ବିକ୍ରି ହେବ କଷ୍ଟଲଷ୍ଟ ସ୍ବାଧୀନତା

ଅନ୍ୟଥା ପୁନଶ୍ଚ ଆକ୍ରମଣ ପୁନଶ୍ଚ ପଶ୍ଚାଦଧାବନ

ଗୃହଭେଦୀ ବିଭୀଷଣର ଷଡଯନ୍ତ୍ରର ଶିକାର ହେବେ

ମହାସଂଗ୍ରାମର ମହାନାୟକ

ନିଜକୁ ଆବିଷ୍କାର କରିବେ -

ଚଳନ୍ତିକା ଏକ୍ସପ୍ରେସର ସ୍ମରଣିକା ବଗିରେ

ଛନ୍ତି ଯହିଁ ବିଶ୍ୱ ବିମୋଦିନୀ

କେତେ ବା ସମୟ ଲାଗିବ ସାଜିବାକୁ କାତ୍ୟାୟିନୀ ?