ସୁଯୋଗ କରନା ହାତଛଡା

ରାମ ମୂଳବିନ୍ଦୁ  ଅୟନ ସମୟ

   ଗତିସ୍ଥିତି ମୂଲ୍ୟବାନ

ହୁଅ ଧୀର ମନ  ସ୍ଥିର ଚିତ୍ତ ଜନ

   ବେଳ ଥାଉଁ ସାବଧାନ ।

ଉତ୍ତରେ ଆଗ୍ରହ  କର୍ମ ସୁଦକ୍ଷିଣ

   ବର୍ଷା ନିଷ୍ଠା ସୁକର୍ତ୍ତବ୍ୟ

ଧରଣୀ କରଇ   ସବୁଜ ସୁନ୍ଦର

    ଉତ୍ତିଷ୍ଠ ମଙ୍ଗଳ ଶିବ ।

ପିତୃ ସ୍ୱର୍ଗଲୋକ   ଉନ୍ନତି ପ୍ରକଳ୍ପ

    ଉତ୍ତରୋତ୍ତର ସ୍ୱାଧ୍ୟାୟ

କରେ ସ୍ଥିତପ୍ରଜ୍ଞ   ପୁରୁଷ ଉତ୍ତମ

    ପ୍ରତିଲୋମ ରାମମୟ ।

ଅରଜନ କର   ଧର୍ମ ଅର୍ଥ କାମ

    ମୋକ୍ଷ ଫଳ ଚଉବର୍ଗ

ସାରଥକ ହେଉ   ନିଖିଳ ଜୀବନ

     ବସୁଧା ଏକ କୁଟୁମ୍ବ ।

ଉପଯୋଗ କର  ଉପଭୋଗ କର

    ହୁଅ ଦାନ ଧର୍ମଶୀଳ

ସୁଯୋଗ କରନା   ହାତଛଡା ଜମା

    ମିଳେନାହିଁ ବାରବାର ।