ସୁଯୋଗ ଆସିବ ପୁଣି ଚାଲିଯିବ
ସୁଯୋଗ ଆସିବ ପୁଣି ଚାଲିଯିବ
1 min
250
ସୁଯୋଗ ଆସିବ ପୁଣି ଚାଲିଯିବ ଚିନ୍ତାରଖ ସେଥିପାଇଁ,
ହାରିଯିବା କିବା ପରାଜୟ ହେବ, ତାକୁ ଚିନ୍ତାକର ନାହିଁ |
ମସ୍ତିସ୍କ ଆକାର ପ୍ରକାରକୁ ଦେଖି ସଫଳତା ମିଳେନାହିଁ,
ଉନ୍ନତ ଭାବନା ଉପସ୍ଥିତ ବୁଦ୍ଧି ସଫଳତା ଆଣେ ବୋହି |
ନିଜକଥାଟିକୁ ଶୁଣେଇବା ପାଇଁ ଯୁକ୍ତି ପ୍ରମାଣିତ ପାଇଁ,
ସଭା-ସମିତି ବା ଘରେ କି ବାହାରେ ଚିତ୍କାର କରିବା ନାହିଁ |
ଯଦି ଭାଷା ଭଦ୍ର, ଯୁକ୍ତି ସାବଲୀଳ ନମ୍ରହୋଇ କଥାହେବେ,
ନିଜଲୋକ ଛାଡ଼ ଅଜଣା ଲୋକ ବି ଶୁଣିବାକୁ କାନେଇବେ |
ଈଶ୍ଵର ବିକନ୍ତି ସଫଳତା ମଞ୍ଜି, ଶକ୍ତି ଓ ସାହସ ସାର,
କିଣିବା ଲୋକର ନିଷ୍ଠା ଶ୍ରଦ୍ଧା ଥିଲେ ଫଳିବ ଫସଲ ତା'ର |