ସୁସ୍ଥ ସ୍ୱଚ୍ଛ ପରିବେଶ
ସୁସ୍ଥ ସ୍ୱଚ୍ଛ ପରିବେଶ
(ବିଶ୍ଵ ପରିବେଶ ଦିବସ ଉପଲକ୍ଷେ ମୋର ଏ କବିତାଟି ଉତ୍ସର୍ଗୀକୃତ)
#################
ପରିବେଶ ଆମ ପରିବେଶ
ପରିବେଶ ଆମ ପରିବେଶ
ପରିବେଶ ଯଦି ସୁସ୍ଥ ରହିବ
ଉକୁଟିବ ସବୁ ମୁହେଁ ହସ।(୦)
ପରିବେଶ ଆମ ପରିବେଶ,,,,
ପାହାଡ ଝରଣା କେଦାର ପ୍ରାନ୍ତର
ବନ ଭୂଇଁ ଆଦି ଯେତେ
ଏ ସବୁକୁ ନେଇ ପରିବେଶ ସୃଷ୍ଟି
ଏ କଥା ରଖିଥା ଚିତ୍ତେ
ଏମାନେ ହସିଲେ ଆମେରେ ହସିବା
ପାଇଣ ତାଙ୍କ ପରଶ।(୧)
ପରିବେଶ ଆମ ପରିବେଶ,,,
ଶିଶୁ ଗୋଟିଏକୁ ପାଦପ ଗୋଟିଏ
ଲଗାଇବା ଯଦି ଆମେ
କୋଟି କୋଟି ତରୁ ଦଳ ରେ ହସିବ
ଏ ଧରଣୀ ଦିନୁ ଦିନେ
ଭବିଷ୍ୟତ ତେବେ ହେବ ନିରାମୟ
ଦୂରେଇ ଯିବ ନିରାଶ।(୨)
ପରିବେଶ ଆମ ପରିବେଶ,,,
କଥା ନୁହେଁ ଖାଲି କାମରେ କରିବା
ହେବା ଆମେ ସଚେତନ
ଆମ ଚାରିପାଖ କଲେ ପରିଷ୍କାର
ନ ହୋଇବ ହୀନିମାନ
ହସିବ ଏ ମାଟି ନୂଆ ଫୁଲ ପରେ
(ହେଲେ) ସ୍ଵସ୍ଥ୍ୟ ସ୍ୱଚ୍ଛ ପରିବେଶ।(୩)
ପରିବେଶ ଆମ ପରିବେଶ,,,,