ସୁରକ୍ଷା ସପ୍ତାହ (୪ ମାର୍ଚ୍ଚ - ୧୦ ମାର୍ଚ୍ଚ)
ସୁରକ୍ଷା ସପ୍ତାହ (୪ ମାର୍ଚ୍ଚ - ୧୦ ମାର୍ଚ୍ଚ)
ଶିଳ୍ପର ପ୍ରଗତି ହେବ କି ରେ ଭାଇ
ସୁରକ୍ଷା ଉପେକ୍ଷା ହେଲେ ?
ଚାଲେ କି ରେ ଶିଳ୍ପ ବିପଦର ଖଣ୍ଡା
ମୁଣ୍ଡପରେ ଝୁଲୁଥିଲେ ?
ଚାଲେ କି ରେ ଦେଶ ଶ୍ରମିକ ସୁରକ୍ଷା
ବିପର୍ଯ୍ୟସ୍ତ ହୋଇଥିଲେ ?
ମାଲିକ ଭଣ୍ଡାର ଭରି ପାରେ କି ରେ,
ଭୃତ୍ୟ ବିପଦରେ ଥିଲେ ?
କୁଶଳୀ ଶ୍ରମିକ ଦେଶ ଓ ଦଶର
ଗଉରବ ସିନା ଭାଇ,
ନୂଆ ନୂଆ ଦ୍ରବ୍ୟ ନିତି ଗଢ଼େ ସିଏ
ସମାଜର ହିତ ପାଇଁ ।
ଅଂଗହାନି ଅବା ପ୍ରାଣହାନି ତା’ର
ହେଲେ କାର୍ଯ୍ୟ ସମୟରେ,
ଅବା ସ୍ବାସ୍ଥ୍ୟହାନି ହୁଏ ଯଦି ତା’ର
ପ୍ରଦୂଷିତ କାର୍ଯ୍ୟସ୍ଥଳେ ।
ଜାତୀୟ କଳଙ୍କ ନୁହେଁ କି ରେ ଏହା,
ନୁହେଁ କି ରେ ଅପରାଧ ?
ସୁରକ୍ଷା ତାହାକୁ ନ ଦେଇ ପାରିଲୁ,
ଯା’ ଯୋଗେ ଆମ ସମ୍ପଦ ।
ସୁରକ୍ଷା ସପ୍ତାହ ଚାଲୁଅଛି ଏବେ,
ଏହି କଥା ହେଜିବାକୁ ।
ଆଜିଠୁ ସଭିଏଁ ହେବା ଯତ୍ନଶୀଳ,
ନ ରଖି କଥା କାଲିକୁ ।