ଲାଇବ୍ରେରୀ
ପ୍ରୋଫାଇଲ୍
ସୁନୀଳ ଅମ୍ବର
ସୁନୀଳ ଅମ୍ବର
1 min
152
ମନୋଜ୍ଞମୟ ସୁନୀଳ ଅନ୍ତରୀକ୍ଷେ
ଖଣ୍ଡ ଖଣ୍ଡ ଜଳଧର
ଅପୂର୍ବ ରୂପ ଲାବଣ୍ୟେ ବସୁନ୍ଧରା
ସବୁଜ ପଣତ ମନୋହର
ଜଗଜ୍ଜନ ମନ ମୋହେ
ପହିଲି ଆଷାଢ଼ ମୌସୁମୀ ପରଶେ
ରୂପ ପସରା ପ୍ରକୃତିର।
ମାର୍ତ୍ତଣ୍ଡ ଆଭାରେ ଅବନୀ ଶୋଭନ
ମହୀରୁହେ ମଞ୍ଜରୀ ସୁମନ
ବିହାୟସ ସାଥେ ବସୁଧା ମୁଦିରେ
ମିଳନ ସୌନ୍ଦର୍ଯ୍ୟ ଜାଣ
କୃଷକ ଯେ ଆହ୍ଲାଦିତ
ଫଳପ୍ରସୂ ଧରା ସୁରମ୍ୟ ତ ପରା
ମେଘମାଳେ ନୃତ୍ୟମାନ।
ମଧୁର ମନ୍ଦ ମଳୟେ ନୃତ୍ୟ କରେ
ତରୁଲତା ଧରାରେ
ପାହାଡ଼ ଶିଖରୁ ଭାନୁ ତେଜ ଘେନି
ଲାବଣ୍ୟମୟୀ ରୂପରେ
ଆମ ଏହି ପୃଥିବୀରେ
ବିହି ଗଢିଛନ୍ତି କେତେ ରୂପରଙ୍ଗେ
ମନ ପ୍ରାଣ ମୋହି ଯାଏରେ ।
