ସୁନେଲି ସମୟର ସ୍ବପ୍ନ
ସୁନେଲି ସମୟର ସ୍ବପ୍ନ
ସୁନେଲି ସମୟର ସ୍ବପ୍ନ
ଘର କରିବାକୁ ସପନ ଦେଖି
ଘରଣୀ ଆଣଇ ମନକୁ ଲାଖି
କେତେ ଯତନରେ ସଜେଇ ଥାଏ
ଘର କରିବାକୁ ଆଗେଇ ଯାଏ
ଛୋଟିଆ ଛୋଟିଆ ଖୁସି ସାଉଁଟି
ଖୁସି ରଖିଦିଏ ଖୁସିରେ ବାଣ୍ଟି
ନୂଆ ବିବାହିତା ପତ୍ନୀ ସହିତ
ଖୁସି ସ୍ବପ୍ନ ସବୁ ଦେଖି ବହୁତ
ଘର କରିବାକୁ ସବୁ ଜିନିଷ ଆଣି
ସାଜିଥାଏ କେତେ ପଦାର୍ଥ କିଣି
ସ୍ଵପ୍ନ ଦେଖେ ହେବ ଖୁସି ସଂସାର
ଗଢ଼ିବ ସେ ଯେ ସୁଖୀ ପରିବାର
ସପନକୁ ପୁରା କରିବା ପାଇଁ
କେତେ ଖୁସିରେ ସେ ଯାଏ ଆଗେଇ
ଦିନରାତି କରି ସେ ଯେ ପରିଶ୍ରମ
କରଇ ସେ ଧନକୁ ଉପାର୍ଜନ
ମୁଣ୍ଡର ଝାଳକୁ ତୁଣ୍ଡରେ ମାରି
କେତେ କେତେ ଫନ୍ଦି ଫିକର୍ କରି
ଗୋଟି ଗୋଟି କରି ରଖି ସାଇତି
ଭବିଷ୍ୟ ପାଇଁ ଚିନ୍ତା କରଇ ନିତି
ସପନ ଦେଖେ ତା ସନ୍ତାନ ଦିନେ
ପାଠ ପଢି ହେବେ ମଣିଷ ଭିନ୍ନେ
ଦୁନିଆ ଆଖିରେ ରଖି ତା ନାମ
କରିବେ ସଦା ସେ ସୁନ୍ଦର କର୍ମ
ବୃଦ୍ଧ ବୟସ ତା ଆସିଲା ବେଳେ
ତା ଯତ୍ନ କରିବେ ତାହାରି ପିଲେ
ନାତି ନାତୁଣୀଙ୍କ ସାଙ୍ଗରେ ରହି
କାଟିବ ସୁଖରେ ଦିନ ଯେ ସେହି
ହରି ନାମ ଟିକେ ଭଜିବ କେତେ
ଗପ ଶୁଣେଇବ ପାରିବ ଯେତେ
ବହୁ ପରଷାକୁ ଖାଇ ବଞ୍ଚିବ
ସପନେ ତା ଦିନ ତ ଖୁସିରେ ଯିବ ।