ସୁନାର ତାରିଖ ବସେଇ ଦେଇଛି ମନର ଡାଇରୀ ଲେଖି
ସୁନାର ତାରିଖ ବସେଇ ଦେଇଛି ମନର ଡାଇରୀ ଲେଖି
ସୁନାର ତାରିଖ ବସେଇ ଦେଇଛି
ମନର ଡାଇରୀ ଲେଖି
ମୋ ପ୍ରିୟା ସତରେ ଆଜିଠୁ ରହିଲା
ମତେ ସେ କରିକି ସୁଖୀ
..........ସୁନାର ତାରିଖ ବସେଇ ଦେଇଛି
ମନର ଡାଇରୀ ଲେଖି ! ୦ !
ହସରେ ତାହାର ଫୁଲ ବରଷୁଛି
କଥାରେ ଝରୁଛି ମହୁ
ଘଡ଼ିଏ ଚାହିଁଲେ ପେଟ ପୂରିଯାଏ
ଖେଳୁଛି ଝୁଲଣା ବାହୁ
ଘଡ଼ିଏ ଅନ୍ତର ଜମାରୁ ହେଉନି
ପ୍ରାଣର ସାଜିଛି ସଖୀ
..........ସୁନାର ତାରିଖ ବସେଇ ଦେଇଛି
ମନର ଡାଇରୀ ଲେଖି ! ୧ !
ଆଶାର ଭାଷା ସେ ଦରଦୀ ଭାବର
ମନରେ ଯାଇଛି ବସି
ଆଖିର ରାଣକୁ ସାକ୍ଷୀ କରି ସିଏ
ପ୍ରେମକୁ ଦେଉଛି ଖୁସି
ଯିବାର ନାଆଁକୁ ଧରିବନି କେବେ
ମତେ ସେ କରିକି ଦୁଃଖୀ
..........ସୁନାର ତାରିଖ ବସେଇ ଦେଇଛି
ମନର ଡାଇରୀ ଲେଖି ! ୨ !
ଜନ୍ମ ଜନ୍ମାନ୍ତର ଅଭୁଲା ରହିବ
ମଧୁର ଶବଦ ପ୍ରିୟା
ଛାଇ ପରି ସିଏ ମତେ ଛାଡ଼ିବନି
ମୁଁ ତାର ଗୁଣର କାୟା
ମରମ ତଳର ନରମ ସୁଖ ସେ
ସିନିହେ ଯାଇଛି ଯୋଖି
..........ସୁନାର ତାରିଖ ବସେଇ ଦେଇଛି
ମନର ଡାଇରୀ ଲେଖି ! ୩ !