ସୁନା ମୋର ଦେଶ
ସୁନା ମୋର ଦେଶ
ସୁନା ମୋର ଦେଶ ସୁନା ମୋ ଭାରତ
ସୁନା ତାର ଇତିହାସ
ଗଣିତ ବିଜ୍ଞାନ ଶାସ୍ତ୍ର କଳାରେ ତ
ରଖି ଯାଇଥିଲା ଯଶ ।
ବିଦେଶୀ ଶାସକ ପାଗଳ ହୋଇଲେ
ଧନ ମାନ ଯଶ ଦେଖି
ଶାସନ କରିଲେ ମୋ ଦେଶକୁ ଆସି
ସ୍ବାଧୀନତା ଗଲା ହଜି ।
କଇଁ କଇଁ କାନ୍ଦେ ମୋ ଭାରତ ମାତା
ଲୁହାର ଶିକୁଳି ମଧ୍ୟେ
ତା ଲୁହକୁ ଦେଖି ତାର ବୀର ପୁତ୍ର
ଅଣ୍ଟା ଭିଡି ମାଡି ବସେ ।
ଅହିଂସାର ପଥ ଆପଣାଇ ନେଲେ
ବୀର ସେ ମହାତ୍ମା ଗାନ୍ଧୀ
ଶରଳ ତାଙ୍କର ଅଟଳ ବାଣୀରେ
ଶତୃ ନିଦ ଗଲା ହଜି ।
ସୁବାଷ ଚନ୍ଦ୍ର ବୋଷ, ମଙ୍ଗଳ ପାଣ୍ଢେ
ଭଗତ, ଚନ୍ଦ୍ରଶେଖର
ଜୀବନକୁ ବାଜି ଲଗାଇ ସେ ଦେଲେ
ସ୍ବାଧୀନତା ଥିଲା ସାର ।
ରକ୍ତ ଲୁଗା ପିନ୍ଧି ମୋ ଭାରତ ମାତା
କହିଗଲା କାନେ କାନେ
ଧନ୍ୟ ତୁ ମୋ ପୁତ୍ର ଧନ୍ୟ ତୋ ସାହସ
ରହିଯିବ କାଳେ କାଳେ ।
ସ୍ବାଧୀନ ହୋଇଲା ମୋ ଭାରତ ମାତା
ଅହିଂସାର ପଥ ନେଇ
ମୋ ଦେଶ ମହାତ୍ମା ଗାନ୍ଧୀଙ୍କ ପାଖରେ
ଶତୃ ଶୀର ଗଲା ନଇଁ ।
ଆମେ ଚଳାଇଲୁ ଆମରି ଦେଶକୁ
ଗର୍ବରେ ଫୁଲାଇ ଛାତି
ଆମ ଏ ତ୍ରିରଙ୍ଗା ଆମରି ତ ଟେକ
ଉଡୁଛି ଆକାଶେ ଆଜି ।
ସେହି ତ୍ରିରଙ୍ଗାକୁ ପ୍ରଣାମ ଜଣାଇ
ଗାଇଯିବା ତାର ଗୀତ
ସ୍ବାଧୀନ ଭାରତେ ଆନନ୍ଦେ ନାଚିବା
ରଖିବା ତାର ମହତ।