Library
Profile
ହେ ଆଗାମୀ ନବବର୍ଷ
ହେ ଆଗାମୀ ନବବର୍ଷ
ପ୍ରତିବର୍ଷ ପରି ନବବର୍ଷ ଆସିବ ଏଥର
ମନ ହେଉନାହିଁ କରିବାକୁ ସ୍ବାଗତ ତୁମର
ଗତବର୍ଷ ସ୍ବାଗତେ ମୁଁ ହୋଇଥିଲି ଆତ୍ମହରା
ହେଲେ ଦେଇଗଲ ତୁମେ ମୋତେ ଦୁଃଖର ପସରା
ନାରୀ ନିର୍ଯାତନା ଶୁଣେ ଆଜି ସଭ୍ୟ ସମାଜରେ
ମାଆ ପୁଣି ଦଣ୍ଡ ପାଏ ତାର ସନ୍ତାନ ହାତରେ
ଗ୍ରାମେ ଗ୍ରାମେ ହାହାକାର ଆଜି କର୍କଟ ରୋଗରେ
ଶବ ବୁହା ଚାଲେ ଏଠି ପୁଣି ପ୍ରତି ମୁହୁର୍ତରେ
ରାସ୍ତା ଦୁର୍ଘଟଣା ହୁଏ ଏଠି ପ୍ରତି ମୁହୁର୍ତରେ
ବାଳ ଶ୍ରମିକର ସଂଖ୍ୟା ପୁଣି ବଢେ ମୋ ଦେଶରେ
ଜାତି, ଧର୍ମ ନାମରେ ତ ଆଜି ଚାଲୁଛି ଲଢେଇ
ହିନ୍ଦୁ ଭାଇ ପୁଣି ମ
ାରେ ତା ମୁସଲମାନ ଭାଇ
ରୁଣ ଭାରେ ମୃତ୍ୟୁ ହୁଏ ଆଜି କୃଷକ ଭାଇର
ମିଥ୍ୟା ପ୍ରବଚନ ଆଦି ପୁଣି ନାନା କୁସଂସ୍କାର
ବନ୍ୟା ବାତ୍ୟିା ଆଦି ପୁଣି ନାନା ରାସ୍ତା ଦୁର୍ଘଟଣା
ଏମିତି ଅନେକ କେତେ ଯେ ପୁଣି ଦୁଃଖଦ ଘଟଣା
ଦେଇ ପାରବକି ପ୍ରତିଶୃତି ଆସିବ ଏଥର
ଦୁର୍ଦିନ ଦେଖିବେ ନାହିଁ କେବେ ଲୋକେ ମୋ ଦେଶର
କୁହ ତୁମେ ପାରିବକି କରି କିଛି ପ୍ରତିକାର
ମଣିଷ ଜୀବନ କେବେ ହେବନାହିଁ ଛାରଖାର
ତେବେ ପୁଣି ଯାଇ ତୁମ ପାଦେ କରିବି ବନ୍ଦନା
ତୁମରି ସ୍ବାଗତେ ମୁହିଁ ହୋଇଯିବି ଆତ୍ମହରା
