ବାହୁଡିଲେ ହରି ପାର୍ବଣ ସ୍ବାଗତେ
ବାହୁଡିଲେ ହରି ପାର୍ବଣ ସ୍ବାଗତେ
ବଡଦାଣ୍ଡେ ଆଜି ଗହଳ ଚହଳ
ଜଗା ମୋ ଆସିବ ବୋଲି
ରତ୍ନ ସିଂହାସନ ଅନାଇ ରହିଛି
ଆସିବ ସେ ଝୁଲି ଝୁଲି ।
ଚାତକ ପରି ତ ଚାହିଁ ବସିଛନ୍ତି
କାହିଁ କେତେ ଭକ୍ତ ବୃନ୍ଦ
ନନ୍ଦିଘୋଷ ଆଜି ଫେରି ତ ଆସିବ
ଶୁଭୁଥିବ ଶଙ୍ଖନାଦ ।
ପାପ ଧୋଇଯିବ ପୁଣ୍ୟ ମିିଳିଯିବ
ତାର ଦରଶନ ବଳେ
କୋଟିଏ ଜନ୍ମର ତପସ୍ୟା ତ ଥିଲେ
ତାର ସହ ଦେଖା ମିଳେ ।
ଧନ ଯଉବନ ଫିକା ପଡେ ଏଠି
ସୁନା ରୁପା ତୁଚ୍ଛ ହୁଏ
ତା ବଡଦାଣ୍ଡରେ ତାକୁ ଦେଖିଦେଲେ
ଏ ଜୀବନେ ଧନ୍ୟ ହୁଏ ।
କିଛ ମୁଁ ମାଗୁନି ତୋତେରେ କାଳିଆ
ପାଦପଦ୍ଳେ ଥାଉ ମନ
ତୋ ବଡଦାଣ୍ଡରେ ତୋ ରଥ ଟାଣିବି
ଥାଉ ଥାଉ ଏ ଜୀବନ ।