ପ୍ରଭୁ ତୁମେ ଆସିବ ବୋଲି

ହୃଦ ମନ୍ଦିର ମୋ ସଜାଡି ଚାଲିଛି 

.                        ତୁମେ ତ ଆସିବ ବୋଲି 

ଗର୍ବ ଅହଂକାର କାମନା ବାସନା 

.                        ସବୁ କୁ ଦେଇଛି ଠେଲି ||

ତୁମେ ତ ଆସିବ ବୋଲି. ........

ହୃଦ ବଗିଚାରେ ଚାରା ରୋପିଥିଲି 

.                          ଫୁଲ ମୁଁ ତୋଳିବି ବୋଲି 

ସ୍ନେହ ମମତାର ଫୁଲ ମହକୁଛି 

.                           ପାଖୁଡା ଦେଇଛି ମେଲି ||

ତୁମେ ତ ଆସିବ ବୋଲି. .....

ଆନ ଆସନ ତ ନାହିଁ ମୋର ପ୍ରଭୁ 

.                            ସିଂହାସନ ଅଛି ଖାଲି 

ନୟନରୁ ଜଳ ବୁହାଇ ଚାଲିଛି 

.                            ଚରଣ ଧୋଇବି ବୋଲି 

ତୁମେ ତ ଆସିବ ବୋଲି. ....

ତୁମେ ଆସିଗଲେ ଥରୁଟିଏ ମାତ୍ର 

.                            ହୃଦ ମନ୍ଦିର ମୋ ଖୋଲି 

ପରମାତ୍ମାଙ୍କର ସାନିଧ୍ୟ ଲଭିବି 

.                            ଭାବନା ରାଇଜେ ଚାଲି ||

ତୁମେ ତ ଆସିବ ବୋଲି. ..........