ମାଆ ତୁମେ ଆସିବ ବୋଲି
ମାଆ ତୁମେ ଆସିବ ବୋଲି
ମାଆ ତୁମେ ଆସିବ ବୋଲି
ଗାଆଁ ଦାଣ୍ଡେ ଭିଡ ଭାରି
ସବୁରି ମୁହଁରେ ତୁମ ଆଲୋଚନା
ପାର୍ବଣ ଆସିବ ବୋଲି
ମାଆ ତୁମେ ଆସିବ ବୋଲି ।
ପୁଅ ଦେଇଅଛି ଛୁଟି ଦରଖାସ୍ତ
ପାର୍ବଣ ଦେଖିବ ବୋଲି
ଉପହାର କିଣେ ସଭିଙ୍କ ପାଇଁକି
ମାଆ ପାଇଁ କିଣେ ଶାଡି
ମାଆ ତୁମେ ଆସିବ ବୋଲି ।
ସୀତା ମାତାଙ୍କର ସେହି ଅପମାନ
କେହି ତ ଯାଇନି ଭୁଲି
ପତ୍ନୀ ଆଜି ବଡ ଗର୍ବରେ କହୁଛି
ସମ୍ମାନର ସେ ଅଧିକାରୀ
ମାଆ ତୁମେ ଆସିବ ବୋଲି ।
ନାରୀକୁ ଦୁର୍ବଳା ଯେବେ କୁହାଯାଏ
ତୁମେ ମନେପଡ ଭାରି
ରାଣୀ ଲକ୍ଷ୍ମୀ ବାଇ ଇତିହାସ ରଚେ
କେ ଅବା ପାରିବ ଭୁଲି
ମାଆ ତୁମେ ଆସିବ ବୋଲି ।
ନାରୀ ଅତ୍ୟାଚାର ଯେବେ ବଢି ଚାଲେ
ତୁମ ପାଶେ ଯାଏ ଚାଲି
ଫୁଲନ୍ ଦେବୀର ବନ୍ଧୁକର ଗୁଳି
ମନରୁ ଯାଇନି ଭୁଲି
ମାଆ ତୁମେ ଆସିବ ବୋଲି ।
ଦାନବ ଜାତିର ଅତ୍ୟାଚାରେ ଯେବେ
ପୃଥୀବୀ ହୋଇଲା ଖାଲି
ମହିଶାଶୁରର ବଦ୍ଧ କଲ ତୁମେ
ପାରିବିନି କେବେ ଭୁଲି
ମାଆ ତୁମେ ଆସିବ ବୋଲି ।
ସଜାଇ ରଖିଛି ଗଜରା ହାର ମାଆ
ସଜାଡିଛି ପୁଜା ଥାଳି
ତୁମେ ଆସିଗଲେ ଥରଟିଏ ମାଆ
ଏ ଜୀବନୁ ଯିବୁ ତରି
ମାଆ ତୁମେ ଆସିବ ବୋଲି ।